( ພາບປະກອບ )
( vovworld ) - ວັນທີ 24/2, ອາເມລິກາ ແລະ ສປປ ເກົາຫຼີ ສິ້ນສຸດການເຈລະຈາໃນເວລາສອງວັນຢູ່ນະຄອນຫຼວງປັກກິງ ( ຈີນ ). ກ່າວຄຳເຫັນຕໍ່ວົງການນັກຂ່າວ, ທູດຜິເສດອາເມລິກາຮັບຜິດຊອບກ່ຽວກັບນະໂຍບາຍຕໍ່ສປປ ເກົາຫຼີ, ທ່ານ Glyn Davies ໃຫ້ຮູ້ວ່າ ການເຈລະຈາໄດ້ສຸ້ມໃສ່ບັນດາເນື້ອໃນບໍ່ແຜ່ຂະຫຍາຍອາວຸດນິວເຄຼີຍ, ຄວາມຕ້ອງການຊ່ວຍເຫຼືອທັນຍາຫານຂອງພຽງຢາງ ແລະ ບັນດາບັນຫາອື່ນອີກ. ທ່ານ Davies ໃຫ້ຂໍ້ສັງເກດວ່າ, ເຖິງແມ່ນວ່າບໍ່ບັນລຸໄດ້ບາດກ້າວບຸກທະລຸກໍຕາມ ແຕ່ສອງຝ່າຍບັນລຸໄດ້ບັນດາຄວາມກ້າວໜ້າ. ກ່ຽວກັບການເຈລະຈາຄັ້ງຕໍ່ໄປ, ທູດຜິເສດ Davies ໃຫ້ຮູ້ວ່າ, ວັນເວລາຍັງບໍ່ທັນກຳນົດເທື່ອ, ແຕ່ຝ່າຍອາເມລິກາຈະສືບຕໍ່ຮັກສາການຕິດຕໍ່ພົວພັນຜ່ານຫ້ອງການຂອງສປປ ເກົາຫຼີ ປະຈຳສະຫະປະຊາຊາດ.