ທ່ານນາຍົກລັດຖະມົນຕີ Nguyen Tan Dung ແລະ ທ່ານນາຍົກລັດຖະມົນຕີ Karel Schwarzenberg
ພາບປະກອບ: internet
|
(vovworld) - ເນື່ອງໃນໂອກາດຢ້ຽມຢາມຫວຽດນາມແຕ່ວັນທີ 21 - 23/3, ວັນທີ 23/3 ທ່ານຮອງນາຍົກລັດຖະມົນຕີ ທັງເປັນລັດຖະມົນຕີການຕ່າງປະເທດ ສ.ເຊັກ Karel Schwarzenberg ໄດ້ຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ. ທ່ານ Karel Schwarzenberg ຕີລາຄາສູງໝາກຜົນການຢ້ຽມຢາມ ແລະ ເຮັດວຽກຢູ່ ຫວຽດນາມ ພ້ອມທັງຢືນຢັນວ່າ ຈະເຮັດຈົນສຸດຄວາມສາມາດຂອງຕົນເພື່ອນຳການພົວພັນລະຫວ່າງ ຫວຽດນາມ ແລະ ສ.ເຊັກ ນັບມື້ນັບພັດທະນາຢ່າງແທດຈິງ ແລະ ມີປະສິດທິຜົນກວ່າ.
ກ່ຽວກັບບັນດາໝາກຜົນພົ້ນເດັ່ນໃນການຢ້ຽມຢາມຫວຽດນາມ ຄັ້ງນີ້, ທ່ານ Karel Schwarzenberg ໃຫ້ຮູ້ວ່າ:
“ພວກຂ້າພະເຈົ້າໄດ້ດຳເນີນການເຈລະຈາທີ່ມີຜົນປະໂຫຍດກັບທ່ານລັດຖະມົນຕີກະຊວງການຕ່າງປະເທດຫວຽດນາມ. ພວກຂ້າພະເຈົ້າໄດ້ປຶກສາຫາລືກ່ຽວກັບຫລາຍບັນຫາກ່ຽວກັບການຮ່ວມມືສອງຝ່າຍກໍຄືຫລາຍຝ່າຍຢ່າງເລິກເຊິ່ງ ແລະ ກວ້າງຂວາງ. ພວກຂ້າພະເຈົ້າກໍປຶກສາຫາລືບັນດາມາດຕະການເພີ່ມທະວີການສົ່ງເສີມການຄ້າ, ແລກປ່ຽນບັນດາບັນຫາພາກພື້ນ ແລະ ສາກົນຊຶ່ງຕ່າງຝ່າຍຕ່າງມີຄວາມສົນໃຈ. ພວກຂ້າພະເຈົ້າພ້ອມແລ້ວສ້າງເງື່ອນໄຂອຳນວຍຄວາມສະດວກໃຫ້ແກ່ບັນດາວິສາຫະກິດຫວຽດນາມດຳເນີນທຸລະກິດຢູ່ເຊັກ ແລະ ກົງກັນຂ້າມ ພວກຂ້າພະເຈົ້າກໍຊົມເຊີຍ ຫວຽດນາມເປີດກວ້າງການລົງທຶນຢູ່ ສ.ເຊັກ.”