ເຄືອຂ່າຍອິນເຕີແນັດຂອງ ສປປ.ເກົາຫຼີຖືກຢຸດການ ເຄື່ອນໄຫວອີກ
(ພາບປະກອບ )
(vovworld)- ວັນທີ 27/12, ເຄືອຂ່າຍອິນເຕີແນັດຂອງ ສປປ.ເກົາຫຼີ ຖືກຢຸດການເຄື່ອນໄຫວໃນເວລາຢ່າງໜ້ອຍສຸດແມ່ນ 2 ຊົ່ວໂມງ. ໃນເວລາ 19 ໂມງ 30 ນາທີຂອງວັນທີ 27/12 ຕາມເວລາພຽງຢາງ, ເຄືອຂ່າຍອິນເຕີແນັດ ຂອງປະເທດນີ້ຖືກຢຸດສະງັກ ແລະ ຮອດເວລາ 21 ໂມງ 30 ນາທີຂອງວັນດຽວກັນກໍ່ຍັງບໍ່ທັນເຄືອ່ນໄຫວເປັນປົກກະຕິໄດ້. ໃນຕະຫຼອດວັນທີ 27/12, ເຄືອຂ່າຍອິນເຕີແນັດຂອງ ສປປ.ເກົາຫຼີ ໄດ້ເຄືອ່ນໄຫວໃນສະພາບບໍ່ເປັນປົກກະຕິ. ປະຈຸບັນ, ບໍ່ທັນຮູ້ສາຍເຫດຂອງເຫດການດັ່ງກ່າວເທື່ອ. ກ່ອນໜ້ານັ້ນ, ໃນວັນດຽວກັນ, ພຽງຢາງ ໄດ້ກ່າວຜູກໂທດວ່າອາເມລິກາ ຕ້ອງຮັບຜິດຊອບກ່ຽວກັບເຫດການເຄືອຂ່າຍອິນເຕີແນັດຂອງ ສປປ.ເກົາຫຼີ ຖືກຢຸດການເຄື່ອນໄຫວໃນຊຸມວັນຜ່ານມາ ໃນສະພາບການທີ່ການພົວພັນລະຫວ່າງສອງປະເທດພວມເກີດຄວາມເຄັ່ງຕຶງຍ້ອນການໂຕ້ຖຽງກັນກ່ຽວກັບເລື່ອງບໍລິສັດຜະລິດຟິມຮູບເງົາ Sony Pictures ຖືກ hacker ບຸກໂຈມຕີ./.