ເພີ່ມທະວີກາລະໂອກາດລົງທຶນຢູ່ ມຽນມາ,ອິນໂດເນເຊຍ
ພາບປະກອບ:internet
|
(vovworld)- “ທຳມາຫາກິນຢູ່ມຽນມາ ແລະ ອິນໂດເນເຊຍ- ບັນດາບົດຮຽນຕົວຈິງ” ນັ້ນແມ່ນຫົວຂໍ້ຂອງກອງປະຊຸມສຳມະນາຊື່ງຈັດຂຶ້ນໃນວັນທີ 17/9 ຢູ່ ນະຄອນ ໂຮ່ຈິມີນ. ເຂົ້າຮ່ວມກອງປະຊຸມສຳມະນາ ມີບັນດາຜູ້ຊ່ຽວຊານດ້ານເສດຖະກິດ ແລະ ບັນດາວິສາຫະກິດສົ່ງອອກຢູ່ ນະຄອນ ໂຮ່ຈິມີນ. ທີ່ກອງປະຊຸມສຳມະນາ, ບັນດາຜູ້ແທນໄດ້ໃຫ້ຂໍ້ສັງເກດວ່າ: ມຽນມາ ແລະ ອິນໂດເນເຊຍ ແມ່ນບັນດາຕະຫລາດທີ່ມີກາລະໂອກາດຫລາຍຢ່າງເພື່ອໃຫ້ວິສາຫະກິດຫວຽດນາມ ລົງທຶນດຳເນີນທຸລະກິດ. ເພື່ອສຳພັດ ແລະ ລົງທຶນຍາວນານຢູ່ ສອງປະເທດດັ່ງກ່າວ, ຜູ້ແທນຫລາຍທ່ານຖືວ່າ: ບໍ່ສາມາດແກ້ງແຍ້ງດ້ວຍລາຄາ ຫາກຕ້ອງແກ້ງແຍ້ງດ້ວຍຄຸນນະພາບຜະລິດຕະພັນ ແລະ ສ້າງຄວາມແຕກຕ່າງກັນໃຫ້ແກ່ຜະລິດຕະພັນ. ທ່ານ ເລດຶກຮູຍ ຜູ້ອຳນວຍການ Marketing ບໍລິສັດຫຸ້ນສ່ວນ Vinamit ຖືວ່າ:
“ວິສາຫະກິດມີທ່າໄດ້ປຽບ ນັ້ນແມ່ນ ການຜະລິດເຄື່ອງໃຊ້ສອຍຂອງມຽນມາບໍ່ທັນພັດທະນາ ສະນັ້ນ ວິສາຫະກິດມີກາລະໂອກາດສົ່ງສິນຄ້າໄປຂາຍຢູ່ປະເທດນີ້ແມ່ນຫລາຍກວ່າເມື່ອທຽບໃສ່ປະເທດອື່ນໃນພາກພື້ນ. ກາລະໂອກາດຊື່ງ ວິສາຫະກິດ ຫວຽດນາມ ສາມາດເຫັນໄດ້ ນັ້ນແມ່ນເຄື່ອງອຸປະໂພກສະບຽງອາຫານ, ນຳ້ດື່ມ, ເຂົ້າຫນົມ, ເຄື່ອງສຳອາງ ນັ້ນແມ່ນຂະແຫນງສິນຄ້າຊື່ງວິສາຫະກິດ ຫວຽດນາມມີກາລະໂອກາດແກ້ງແຍ້ງໄດ້.”