ທ່ານ ເລຂາທິການໃຫຍ່ ຫງວຽນຟູ໋ຈ້ອງ ເຮັດວຽກກັບ
ຕາແສງ ເຈື່ອງຮ່າ
|
(vovworld) – ໂດຍສືບຕໍ່ລາຍການເຮັດວຽກຢູ່ບັນດາແຂວງເຂດພູພຽງທາງພາກເໜືອ, ວັນທີ 23/4, ທ່ານເລຂາທິການໃຫຍ່ພັກກອມມູນິດ ຫວຽດນາມ ຫງວຽນຟູ໋ຈ້ອງ ໄດ້ລົງຢ້ຽມຢາມ ແລະ ເຮັດວຽກຢູ່ແຂວງ ກາວບັ່ງ ກ່ຽວກັບສະພາບການປະຕິບັດໜ້າທີ່ພັດທະນາເສດຖະກິດ - ສັງຄົມ, ການປ້ອງກັນຊາດປ້ອງກັນຄວາມສະຫງົບ, ວຽກງານກໍ່ສ້າງພັກ ແລະ ກະກຽມກອງປະຊຸມໃຫຍ່ສົ່ງຄະນະພັກທຸກຂັ້ນ. ເມື່ອພົບປະ ແລະ ເຮັດວຽກກັບບັນດາພະນັກງານ, ປະຊາຊົນຕາແສງ ເຈື່ອງຮ່າ ແລະ ເມືອງ ຮ່າກ໋ວາງ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຮັບຟັງ ແລະ ແລກປ່ຽນຄຳເຫັນກ່ຽວກັບສະພາບການຜະລິດ, ການລົບລ້າງຄວາມອຶດຫິວ, ຫລຸດຜ່ອນຄວາມທຸກຍາກ, ກໍ່ສ້າງຊົນນະບົດໃໝ່.
ທີ່ການເຮັດວຽກກັບຄະນະປະຈຳພັກແຂວງ ແລະ ການນຳຫຼັກແຫຼ່ງແຂວງ ກາວບັ່ງ, ທ່ານເລຂາທິການໃຫຍ່ ສະເໜີໃຫ້ແຂວງ ຕີລາຄາຄືນຄວາມສາມາດບົ່ມຊ້ອນ, ທ່າແຮງ, ຄວາມສະດວກຂອງທ້ອງຖິ່ນ… ທ່ານເລຂາທິການໃຫຍ່ ຫງວຽນຟູ໋ຈ້ອງ ຖືວ່າ:
“ຕ້ອງມີການວາງແຜນ, ລາຍການລະອຽດ, ສິ່ງໃດຕ້ອງພັດທະນາຮອບດ້ານ, ໄວ, ຄົບຊຸດ, ສິ່ງໃດແມ່ນຂອດບຸກທະລຸເພື່ອບືນຕົວຂຶ້ນ, ພັດທະນາຮອບດ້ານກະສິກຳ, ອຸດສາຫະກຳ, ການບໍລິການ, ການທ່ອງທ່ຽວ… ສ້າງພື້ນຖານໂຄງລ່າງຕ້ອງບຸກທະລຸ. ໃນແຂວງຕ້ອງມີບັນດາເສັ້ນທາງບ້ານຕໍ່ບ້ານ, ຕາແສງຕໍ່ຕາແສງ, ມີເສັ້ນທາງໃຫ້ລົດໂອໂຕແລ່ນຮອດທຸກຕາແສງ. ເມື່ອກໍ່ສ້າງຊົນນະບົດໃໝ່, ຕ້ອງສຸມໃສ່ເຮັດທາງ, ຫຼື ສຸມໃສ່ເຂົ້າໃນການລົງລ້າງຄວາມທຸກຍາກແບບຍືນຍົງ.”