ແຂວງບິ່ງດິ້ງຕ້ອງແນະນຳໃຫ້ປະຊາຊົນປະຕິບັດລັດຖະທຳມະນູນແລະບັນດາກົດໝາຍໃໝ່
(ທ່ານປະທານສະພາແຫ່ງຊາດ ຫງວຽນຊິງຮຸ່ງ ກ່າວຄຳເຫັນທີ່
ວາລະໄຂກອງປະຊຸມທ້າຍປີຂອງສະພາປະຊາຊົນແຂວງບິ່ງດິ້ງ)
(vovworld) - ກ່າວຄຳເຫັນທີ່ວາລະໄຂກອງປະຊຸມທ້າຍປີຂອງສະພາປະຊາຊົນແຂວງບິ່ງດິ້ງ, ເຊິ່ງດຳເນີນໄປໃນຕອນເຊົ້າວັນທີ 10/12, ທ່ານປະທານສະພາແຫ່ງຊາດ ຫງວຽນຊິງຮຸ່ງ ຢືນຢັນວຽກງານກໍ່ສ້າງພັກ, ກໍ່ສ້າງອຳນາດການປົກຄອງຂອງແຂວງບິ່ງດິ້ງ ບັນລຸໄດ້ຄວາມກ້າວໜ້າຫຼາຍຢ່າງ, ຮັບປະກັນຊີວິດສັງຄົມ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ຖືວ່າ ໜ້າທີ່ພັດທະນາເສດຖະກິດສັງຄົມໃນປີຕໍ່ໜ້າ ແລະ ໃນຊຸມປີຕໍ່ໆໄປ, ແຂວງ ບິ່ງດິ້ງ ສືບຕໍ່ລົງທຶນໃຫ້ຂົງເຂດກະສິກຳ, ຊົນນະບົດ ແລະ ຊາວກະສິກອນ, ຮັບປະກັນຊີວິດສັງຄົມ. ທ່ານປະທານສະພາແຫ່ງຊາດ ສະເໜີໃຫ້ແຂວງ ບິ່ງດິ້ງ ເອົາໃຈໃສ່ເພີ່ມທະວີການນຳໃຊ້ວິທະຍາສາດ, ເຕັກໂນໂລຊີເຂົ້າໃນການຜະລິດກະສິກຳ, ບຳລຸງສ້າງແຫຼ່ງຊັບພະຍາກອນມະນຸດໃຫ້ຊົນນະບົດ... ທ່ານປະທານສະພາແຫ່ງຊາດ ຫງວຽນຊິງຮຸ່ງ ເນັ້ນໜັກວ່າ.
“ກະສິກຳ, ຊົນນະບົດ, ຊາວນາຍັງຄົງແມ່ນຂົງເຂດນຳໜ້າ. ພວກເຮົາຊຸກຍູ້ການພັດທະນາຕົວເມືອງ ແຕ່ກໍ່ຕ້ອງຊຸກຍູ້ການພັດທະນາຊົນນະບົດ. ຍ້ອນວ່າ ຢູ່ເຂດຊົນນະບົດຊາວກະສິກອນຍັງປະສົບກັບຄວາມທຸກຍາກ, 80% ຈຳນວນພົນລະເມືອງດຳລົງຊີວິດຢູ່ທີ່ນັ້ນ, ແຕ່ເສດຖະກິດກະສິກຳ, ສະມັດຕະພາບ, ຄຸນນະພາບບໍ່ທັງສູງ. ພວກເຮົາຕ້ອງນຳເສດຖະກິດປ່າ, ເສດຖະກິດທະເລ, ທ່າແຮງຂອງບິ່ງດິ້ງ ແມ່ນເສດຖະກິດທະເລ, ທັງ 3 ເຂດເສດຖະກິດດັ່ງກ່າວລ້ວນແຕ່ຕ້ອງໄດ້ຮັບການຊຸກຍູ້, ສະນັ້ນຕ້ອງເພີ່ມທະວີການລົງທຶນໃຫ້ແກ່ຊົນນະບົດກວ່າອີກ.”
ທ່ານປະທານສະພາແຫ່ງຊາດ ຫງວຽນຊິງຮຸ່ງ ເນັ້ນໜັກວ່າ ລັດຖະທຳມະນູນສະບັບປັບປຸງ ທີ່ສະພາແຫ່ງຊາດຫາກໍ່ໄດ້ຮັບຮອງເອົາແມ່ນ ລັດຖະທຳມະນູນຍູ້ແຮງກິດຈະການປ່ຽນໃໝ່ຢ່າງຮອບດ້ານ, ເປັນພື້ນຖານໃຫ້ແກ່ການພັດທະນາ, ສະນັ້ນ, ແຂວງບິ່ງດິ້ງ ຄວນສຸມໃສ່ແນະນຳ, ຈັດຕັ້ງການປະຕິບັດໃນທົ່ວປວງຊົນ, ພ້ອມກັບປະຊາຊົນໃນທົ່ວປະເທດນຳລັດຖະທຳມະນູນ ແລະ ບັນດາກົດໝາຍໃໝ່ເຂົ້າໃນຊີວິດຕົວຈິງ.