ໂຄງການສິ່ງແວດລ້ອມ ສປຊ ຮ່ວມເດີນທາງພ້ອມກັບ ຫວຽດນາມ
(VOVWORLD) - ໃນການຕ້ອນຮັບທ່ານ Erik Solheim, ຜູ້ອຳນວຍການບໍລິຫານໂຄງການສິ່ງແວດລ້ອມ ສປຊ (UN Environment) ໃນຕອນເຊົ້າວັນທີ 7 ສິງຫາ, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ ຈິ້ງດີ່ງຢູ້ງ ຢືນຢັນວ່າ: ລັດຖະບານ ຫວຽດນາມ ຍາມໃດກໍ່ຕັດສິນໃຈປົກປັກຮັກສາສິ່ງແວດລ້ອມດ້ວຍທັດສະນະບໍ່ເອົາການພັດທະນາເສດຖະກິດໄປແລກກັບສິ່ງແວດລ້ອມ.
ທ່ານ Erik Solheim ແລະ ທ່ານ ຈີ້ງດິ່ງຢູ້ງ |
ຕາມທ່ານຮອງນາຍົກລັດຖະມົນຕີ ແລ້ວ, ການຮັກສາສິ່ງແວດລ້ອມພວມແມ່ນບັນຫາຮ້ອນເຮັ່ງໃນທົ່ວໂລກ, ແມ່ນວິວັດການຍາວນານ, ເປັນປະຈຳ, ຮຽກຮ້ອງຕ້ອງມີການຮ່ວມມືສາກົນ ແລະ ຄວາມຕັດສິນໃຈຂອງທຸກໆປະເທດ, ບັນດາລັດຖະບານ. ຫວຽດນາມ ໄດ້ວາງອອກທິດທາງການພັດທະນາຂຽວ, ເປັນມິດກັບສິ່ງແວດລ້ອມ, ໃນນັ້ນວິທະຍາສາດເຕັກໂນໂລຢີສວມບົດບາດແຖວໜ້າ, ພາກເອກະຊົນເອົາໃຈໃສ່ ແລະ ນຳໜ້າໃນການຮັບປະກັນບັນດາແຫຼ່ງສິ່ງເສດເຫຼືອ, ຈຳກັດອາຍແກັດເຮືອນແກ້ວ, ຮັບປະກັນກຳຈັດສິ່ງເສດເຫຼືອຢູ່ກັບທີ່…
ສ່ວນທ່ານ Erik Solheim, ຜູ້ອຳນວຍການບໍລິຫານໂຄງການສິ່ງແວດລ້ອມ ສປຊ ໃຫ້ຮູ້ວ່າ: ຈຸດປະສົງຂອງການຢ້ຽມຢາມ ແລະ ເຮັດວຽກຢູ່ ຫວຽດນາມ ແມ່ນເພື່ອແນໃສ່ເພີ່ມທະວີການຮ່ວມມືໃນຂົງເຂດສິ່ງແວດລ້ອມ. ທ່ານ Erik Solheim ເນັ້ນໜັກວ່າ: ໂຄງການສິ່ງແວດລ້ອມ ສປຊ ຈະຮ່ວມເດີນທາງພ້ອມກັບບັນດາປະເທດ, ໃນນັ້ນມີ ຫວຽດນາມ ເພື່ອຊຸກຍູ້ການຮ່ວມມື ແລະ ໜູນຊ່ວຍໃນຂົງເຂດສິ່ງແວດລ້ອມ.