( vovworld ) - ວັນທີ 10/6 ທີ່ຈະມາເຖິງ ຢູ່ຮ່າໂນ້ຍ, ຈະດຳເນີນ “ ພິທີເຊີດຊູຜູ້ບໍລິຈາກເລືອດອາສາສະໝັກດີເດັ່ນທົ່ວປະເທດປີ 2012 ” ແລະ ວັນບຸນບໍລິຈາກເລືອດໃຫຍ່ທີ່ມີຊື່ວ່າ “ ຂ້າພະເຈົ້າຢາກບໍລິຈາກເລືອດຊ່ວຍມະນຸດ ”. ໃນງານບຸນຄັ້ງນີ້ ຄາດວ່າຈະໄດ້ຮັບເລືອດ 1500 ຖົງຈາກຜູ້ອາສາສະໝັກ. ນັ້ນແມ່ນຂໍ້ມູນຂ່າວຂອງຄະນະຊີ້ນຳແຫ່ງຊາດກ່ຽວກັບການຂົນຂວາຍບໍລິຈາກເລືອດອາສາສະໝັກ ເຊິ່ງໄດ້ຍົກອອກມາໃນຕອນເຊົ້າວັນທີ 6/6, ຢູ່ຮ່າໂນ້ຍ. ທ່ານນາງຮອງລັດຖະມົນຕີກະຊວງສາທາລະນະສຸກ Nguyen Thi Xuyen ໃຫ້ຮູ້ວ່າ.
“ ສານຈາກທົ່ວໂລກກ່ຽວກັບວັນບໍລິຈາກເລືອດປີນີ້ແມ່ນ “ ໃຜບໍລິຈາກເລືອດລ້ວນແຕ່ແມ່ນວິລະຊົນ ” ເພື່ອແນໃສ່ຢືນຢັນຄວາມໝາຍວັດທະນະທຳມະນຸດອັນເລິກເຊິ່ງຂອງການເຂົ້າຮ່ວມບໍລິຈາກເລືອດອາສາສະໝັກ ແລະ ຮຽກຮ້ອງໃຫ້ບັນດາຜູ້ມີສຸຂະພາບແຂງແຮງ, ບັນດາອົງການສັງຄົມພ້ອມກັນຕອບສະໜອງການບໍລິຈາກເລືອດ. ການເຄື່ອນໄຫວດັ່ງກ່າວຄວນໄດ້ຮັບການຍ້ອງຍໍ ແລະ ເຊີດຊູຢ່າງແຮງກວ່າອີກ ”.