ສົນທະນາຫາລືໃນຕອນເຊົ້າວັນທິ 28/8
(ພາບ: phunuonline.com.vn)
(vovworld) - ຕອນເຊົ້າວັນທີ 28/8, ຢູ່ນະຄອນ ໂຮ່ຈີມິນ, ຄະນະກຳມາທິການຮຽບຮຽງຮ່າງລັດຖະທຳມະນູນປີ 1992 ສະບັບປັບປຸງ ໄດ້ຈັດຕັ້ງການໂອ້ລົມສົນທະນາວິທະຍາສາດກ່ຽວກັບອຳນາດການປົກຄອງທ້ອງຖີ່ນໃນຮ່າງລັດຖະທຳມະນູນປີ 1992 ສະບັບປັບປຸງ. ທ່ານປະທານສະພາແຫ່ງຊາດ ຫງວຽນຊິງຮູ່ງ, ປະທານຄະະກຳມາທິການຮຽບຮຽງຮ່າງລັດຖະທຳມະນູນປີ 1992 ສະບັບປັບປຸງ, ໄດ້ເຂົ້າຮ່ວມ ແລະ ເປັນປະທານການໂອ້ລົມສົນທະນາ.
ກ່າວຄຳເຫັນໄຂການໂອ້ລົມສົນທະນາ, ທ່ານປະທານສະພາແຫ່ງຊາດ ຫງວຽນຊິງຮູ່ງ ເນັ້ນໜັກວ່າ: ເລື່ອງປັບປຸງລັດຖະທຳມະນູນປີ 1992 ຄັ້ງນີ້ ແລະ ເພີ່ມເຕີມບັນດາລະບອບບັນຍັດແມ່ນຈຳເປັນ, ສອດຄ່ອງກັບສະພາບການພັດທະນາເສດຖະກິດ, ສັງຄົມ, ປ້ອງກັນຊາດປ້ອງກັນຄວາມສະຫງົບຂອງປະເທດ ແລະ ການເຊື່ອມໂຍງເຂົ້າກັບສາກົນ. ໃນວິວັດແຫ່ງການສ້າງລະບອບບັນຍັດນີ້ຍັງຄົງມີຫຼາຍຄຳເຫັນທີ່ແຕກຕ່າງກັນຄວນໄດ້ຮັບການໄຈ້ແຍກ, ເຮັດໃຫ້ຈະແຈ້ງ:
“ອຳນາດການປົກຄອງທ້ອງຖີ່ນແມ່ນໜຶ່ງໃນບັນດາເນື້ອໃນສຳຄັນທີ່ສຸດ, ແມ່ນພາກສ່ວນໜຶ່ງໃນກົງຈັກລັດ, ໄດ້ຮັບການຈັດຕັ້ງຕ່າງກັນນັບແຕ່ກ່ອນມານີ້. ມາຮອດປະຈຸບັນ, ສະພາບການຕົວຈິງຂອງປະເທດຊາດຮຽກຮ້ອງໃຫ້ພວກເຮົາຕ້ອງປັບປຸງໃຫ້ເໝາະສົມ ຄືແນວໃດແມ່ນອຳນາດການປົກຄອງສົມບູນ, ຄືແນວໃດອຳນາດການປົກຄອງບໍລິຫານຂຶ້ນກັບຂັ້ນເທິງ... ອຳນາດການປົກຄອງຂອງພວກເຮົາເຄື່ອນໄຫວຕາມຫຼັກການລວມສູນປະຊາທິປະໄຕ ຫຼື ປະຊາທິປະໄຕລວມສູນ? ລັດຂອງພວກເຮົາກໍ່ເຄື່ອນໄຫວຕາມຫຼັກການນັ້ນ”
ທີ່ການໂອ້ລົມສົນທະນາ, ບັນດາຜູ້ແທນລ້ວນແຕ່ເຫັນດີເປັນເອກະສັນກັບຄວາມຈຳເປັນປັບປຸງ ແລະ ເພີ່ມເຕີມບາງເນື້ອໃນໃນລະບອບບັນຍັດກ່ຽວກັບອຳນາດການປົກຄອງທ້ອງຖີ່ນຂອງລັດຖະທຳມະນູນປີ 1992.