(VOVWORLD) -ການແຂ່ງຂັນຄັ້ງນີ້ ມີການເຂົ້າຮ່ວມຂອງເຈົ້າໜ້າທີ່, ຄູຝຶກ, ນັກກິລາ ກວ່າ 150 ຄົນ ທີ່ມາຈາກ 21 ທິມ ຂອງ 11 ປະເທດອາຊີ ແລະ ເຂດແຄວ້ນ
 ການແຂ່ງຂັນບານສົ່ງຫາດຊາຍເພດຍິງ ອາຊີ ປີ 2019 ຈັດຂຶ້ນຢູ່ນະຄອນ ເກິນເທີີ ຂອງຫວຽດນາມ |
ຕອນຄໍ່າວັນທີ 19 ເມສາ, ຢູ່ນະຄອນ ເກິນເທີີ ຂອງຫວຽດນາມ ໄດ້ຈັດພິທີໄຂການແຂ່ງຂັນບານສົ່ງຫາດຊາຍເພດຍິງ ອາຊີ ປີ 2019. ການແຂ່ງຂັນຄັ້ງນີ້ ມີການເຂົ້າຮ່ວມຂອງເຈົ້າໜ້າທີ່, ຄູຝຶກ, ນັກກິລາ ກວ່າ 150 ຄົນ ທີ່ມາຈາກ 21 ທິມ ຂອງ 11 ປະເທດອາຊີ ແລະ ເຂດແຄວ້ນຄື: ອົດສະຕາລີ, ຈີນ, ຍີ່ປຸ່ນ, ສິງກະໂປ, ນິວຊີແລນ, ໄທ, ຮົ່ງກົງ (ຈີນ), ກາຊັກສະຖານ, ວານົວຕູ, ມາເລເຊຍ ແລະ ຫວຽດນາມ. ການແຂ່ງຂັນນີ້ ເພື່ອແນໃສ່ເພີ່ມທະວີການພົບປະແລກປ່ຽນ, ຍົກສູງລະດັບວິຊາສະເພາະກິລາບານສົ່ງຫາດຊາຍຫວຽດນາມ ແລະ ອາຊີ, ພ້ອມທັງ ໂຄສະນາພາບພົດຂອງປະເທດຊາດ ແລະ ຊາວຫວຽດນາມ ເວົ້າລວມ ແລະ ນະຄອນເກິນເທີ ເວົ້າສະເພາະ. ພາຍຫຼັງສິ້ນສຸດການແຂ່ງຂັນ, ຄະນະຈັດຕັ້ງຈະເລືອກເອົາ 4 ທິມທີ່ເກັ່ງທີ່ສຸດໃນພາກພື້ນ ອາຊີ ເພື່ອເຂົ້າຮ່ວມຮອບຊີງຊະນະເລີດ ການແຂ່ງຂັນບານສົ່ງຫາດຊາຍເພດຍິງໂລກ, ເຊິ່ງຈະຈັດຂຶ້ນຢູ່ ປະເທດເຢຍລະມັນ ໃນລະຫວ່າງວັນທີ 28 ມິຖຸນາ - 7 ກໍລະກົດ.