ຕອນເຊົ້າວັນທີ 11/12, ຢູ່ນະຄອນ ບວນມາທວດ, ແຂວງ ດັກລັກ, ຄະນະໂຄສະນາສຶກສາສູນກາງໄດ້ຈັດຕັ້ງກອງປະຊຸມບັນດາແຂວງ ໄຕງວຽນ ປະຕິບັດຄຳສັ່ງຂອງກົມການເມືອງ ກ່ຽວກັບການສືບຕໍ່ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດຂອງປະທານ ໂຮ່ຈີມິນ. ກ່າວຄວາມເຫັນທີ່ກອງປະຊຸມ, ທ່ານ ດິງເທ໋ຮີງ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງຖືວ່າ, ເຖິງວ່າໃນໄລຍະຜ່ານມາ ບັນດາແຂວງ ໄຕງວຽນ ໄດ້ຜັນຂະຫຍາຍການປະຕິບັດຄຳສັ່ງຢ່າງຮີບເຮັ່ງ, ເຂັ້ມງວດ, ເໝາະສົມກັບສະພາບຕົວຈິງຂອງທ້ອງຖີ່ນແລ້ວກໍ່ຕາມ, ແຕ່ວຽກງານນີ້ບໍ່ທັນໄດ້ຮັບການປະຕິບັດຢ່າງເປັນເຈົ້າການເທື່ອ. ທ່ານເວົ້າວ່າ:
”ໜຶ່ງໃນບັນດາເນື້ອໃນສຳຄັນໃນໄລຍະຈະມາເຖິງ ເຊິ່ງຕ້ອງໄດ້ຮັບຄວາມເອົາໃຈໃສ່ເປັນພິເສດນັ້ນແມ່ນ, ຕ້ອງສ້າງມາດຕະຖານດ້ານຄຸນສົມບັດໃຫ້ແຕ່ລະຂະແໜງ, ແຕ່ລະທ້ອງຖີ່ນ, ອົງການຈັດຕັ້ງ, ຫົວໜ່ວຍ. ປະຕິບັດເນື້ອໃນນີ້ ແມ່ນຈຳເປັນຕ້ອງມີນ້ຳໃຈເປັນເຈົ້າການ, ມີຫົວຄິດປະດິດສ້າງ, ສຸດຈິດສຸດໃຈຂອງຄະນະປະຈຳອົງຄະນະພັກ, ເລຂາຄະນະພັກ. ເພື່ອແກ້ໄຂຄວາມຫຍໍ້ທໍ້, ເສີມຂະຫຍາຍລັກສະນະຕັ້ງໜ້າຢູ່ແຕ່ລະທ້ອງຖີ່ນ”
ທ່ານດິງເທ໋ຮີງກໍ່ຮຽກຮ້ອງໃຫ້ທ້ອງຖີ່ນຕ່າງໆ ເອົາໃຈໃສ່ເປັນພິເສດເຖິງການຄົ້ນພົບ, ສ້າງ ແລະ ໂຄສະນາ, ເຜີຍແຜ່, ທະວີຄູນບັນດາແບບຢ່າງທີ່ດີເດັ່ນໃນການປະຕິບັດຕາມແບບຢ່າງຄຸນສົມບັດຂອງປະທານ ໂຮ່ຈີມິນ.