(vovworld) - ນັບແຕ່ຕອນບ່າຍວັນທີ 23/04, ເຈົ້າໜ້າທີ່ໄທ ໄດ້ເພີ່ມທະວີການຄວບຄຸມຄວາມສະຫງົບຢູ່ນະຄອນ ຫາດໄຢ່ ຂຶ້ນກັບແຂວງ ໂສງຄະລາ, ເຊິ່ງແມ່ນຕົວເມືອງໃຫຍ່ກວ່າໝູ່ທາງພາກໃຕ້ຂອງປະເທດນີ້, ພາຍຫຼັງໄດ້ຮັບແຫຼ່ງຂ່າວສືບລາຊະການລັບວ່າ ອາດຈະເກີດບັນດາການບຸກໂຈມຕີຂອງບັນດາພາກສ່ວນລັດອິດສະລາມແຍກຕົວອອກ. ບັນດາກຳລັງປ້ອງກັນຄວາມສະຫງົບ ແລະ ກວດມ້າງລະເບີດ ໄດ້ລະດົມການລາດຕາເວັນຕະຫຼອດ 24/24 ຊົ່ວໂມງ ໃນທົ່ວນະຄອນ. ບັນດາເຄື່ອງຈັກທຳລາຍລະເບີດກໍ່ໄດ້ຕິດຕັ້ງຢູ່ຫຼາຍເຂດ. ບັນດາເຂດທີ່ສຸມໃສ່ຄວບຄຸມແມ່ນບັນດາສູນການຄ້າ ແລະ ຄົມມະນາຄົມສາທາລະນະຢູ່ ຫາດໂຢ່.