ກອງປະຊຸມຄັ້ງທີ 28 ບັນດາຝ່າຍທີ່ເຂົ້າຮ່ວມສົນທິສັນຍາແມ່ຂອງສະຫະປະຊາຊາດ ກ່ຽວກັບການປ່ຽນແປງຂອງດິນຟ້າອາກາດ (ພາບ: THX/TTXVN)

        ກອງປະຊຸມຄັ້ງທີ 28 ບັນດາຝ່າຍທີ່ເຂົ້າຮ່ວມສົນທິສັນຍາແມ່ຂອງສະຫະປະຊາຊາດ ກ່ຽວກັບການປ່ຽນແປງຂອງດິນຟ້າອາກາດ (COP28), ພວມຈັດຂຶ້ນຢູ່ Dubai (UAE), ຕ້ອງໄດ້ແກ່ຍາວເວລາເກີນຄາດຄະເນ ແລະ ໄດ້ສິ້ນສຸດໃນເວລາ 14 ໂມງ ຂອງວັນທີ 12 ທັນວາ (ຕາມເວລາ ຫວຽດນາມ). ສາຍເຫດແມ່ນຍ້ອນບັນດາຝ່າຍເຂົ້າຮ່ວມກອງປະຊຸມບໍ່ສາມາດເປັນເອກະພາບກັນທາງດ້ານເນື້ອໃນຂອງຮ່າງເອກະສານຕິຂໍ້ຕົກລົງສຸດທ້າຍ.

        ກ່າວຄຳເຫັນຕໍ່ວົງການນັກຂ່າວ, ທ່ານຜູ້ອຳນວຍການໃຫຍ່ COP28, Majid Al Suwaidi ໃຫ້ຮູ້ວ່າ, ຜູ້ແທນທັງໝົດທີ່ເຂົ້າຮ່ວມກອງປະຊຸມ ລ້ວນແຕ່ຢາກສິ້ນສຸດກອງປະຊຸມຕາມແຜນການໄດ້ວາງອອກ, ແຕ່ພັດຢາກບັນລຸໄດ້ໝາກຜົນທີ່ເຕັມໄປດ້ວຍຄວາມມັກໃຫຍ່ໄຝ່ສູງທີ່ສຸດ, ກ່ຽວຂ້ອງເຖິງບັນຫາເຊື້ອເພີງຟອກຊິວ. ສະເໜີການ “ລົບລ້າງ” ການນຳໃຊ້ເຊື້ອເພີງຟອກຊິວແມ່ນໜຶ່ງໃນບັນດາເນື້ອໃນທຳອິດໄດ້ນຳເຂົ້າຮ່າງເອກະສານຂອງຂໍ້ຕົກລົງເພື່ອຕ້ານການປ່ຽນແປງຂອງດິນຟ້າອາກາດ. ເຖິງຢ່າງໃດກໍ່ຕາມ, ໃນຮ່າງເອກະສານສະບັບໃໝ່ເຊິ່ງທ່ານ Majid Al Suwaidi ຍົກອອກມາ, ຄຳສັບດັ່ງກ່າວບໍ່ໄດ້ເຕື້ອງເຖິງ, ແທນທີ່ນັ້ນແມ່ນ “ຫຼຸດຜ່ອນ” ການຜະລິດ ແລະ ນຳໃຊ້ເຊື້ອເພີງຟອກຊິວ ເພື່ອບັນລຸໄດ້ການຫຼຸດຜ່ອນການປ່ອຍອາຍພິດລົງ “0” ໃນປີ 2050.

        ຜູ້ຕາງໜ້າຂອງຫຼາຍປະເທດ ແລະ ອົງການຈັດຕັ້ງໄດ້ສະແດງຄວາມຜິດຫວັງເມື່ອຮ່າງຂໍ້ຕົກລົງໃໝ່ບໍ່ເຕື້ອງເຖິງເລື່ອງລົບລ້າງການນຳໃຊ້ເຊື້ອເພີງຟອກຊິວ.