(vovworld) - ຖືກກັບການຄາດຄະເນຂອງບັນດານັກຊ່ຽວຊານ, ເມື່ອສິ້ນສຸດກອງປະຊຸມຢູ່ ວຽນ, ປະເທດ ໂອຕຣິດ, ວັນທີ 5/6, ອົງການບັນດາປະເທດສົ່ງອອກນ້ຳມັນ (OPEC) ໄດ້ຕົກລົງຮັກສາປະລິມານນ້ຳມັນໄວ້ໃນລະດັບເກົ່າແມ່ນສະໜອງ ນ້ຳມັນດິບ 30 ລ້ານຖັງ/ວັນອອກສູ່ຕະຫຼາດໂລກ. ກ່າວຄຳເຫັນຕໍ່ວົງການນັກຂ່າວພາຍຫຼັງກອງປະຊຸມ, ທ່ານລັດຖະມົນຕີວ່າການກະຊວງນ້ຳມັນ ອີຣັກ Adel Abdul Mahdi ສະແດງຄວາມເພິງພໍໃຈຕໍ່ຂໍ້ຕົກລົງຂອງ OPEC, ຖືວ່າເລື່ອງຮັກສາປະລິມານແມ່ນຍຸດທະສາດຈຳເປັນໃນສະພາບຄືປະຈຸບັນ. ກ່ຽວຂ້ອງເຖິງບັນຫາການຜັນແປຂອງລາຄານ້ຳມັນໃນໄລຍະຈະມາເຖິງ, ທ່ານເລຂາທິການໃຫຍ່ OPEC Abdalla El Badri ເນັ້ນໜັກວ່າ: ລາຄານ້ຳມັນຈະໂດຍຕະຫຼາດຕັດສິນ ແລະ OPEC ບໍ່ສາມາດແຊກແຊງເຂົ້າສິ່ງດັ່ງກ່າວໄດ້.