(vovworld) – ກອງປະຊຸມສົນທະນາທົ່ວໂລກກ່ຽວກັບເຂດທົ່ງພຽງຄັ້ງທີ 2 ປີ 2013, ໂດຍມະຫາວິຍາໄລແຫ່ງຊາດນະຄອນ ໂຮ່ຈີມິນ ສົມທົບກັບກອງທຶນດິນນ້ຳຖ້ວມ ອາເມລິກາ, ສະຖານທູດ ໂຮນລັງ ແລະ ສະຖານທູດ ອາເມລິກາ ຈັດຕັ້ງຂຶ້ນແຕ່ວັນທີ 19 - 21/5, ຢູ່ນະຄອນ ໂຮ່ຈີມິນ, ອັນໄດ້ດຶງດູດການເຂົ້າຮ່ວມຂອງຜູ້ແທນ 350 ຄົນທີ່ມາຈາກບັນດາປະເທດອະນຸພາກພື້ນແມ່ນ້ຳຂອງ, ໂຮນລັງ, ອາເມລິກາ ແລະ ບາງປະເທດໃນໂລກ. ດ້ວຍຫົວຂໍ້ວ່າ “ມາດຕະການໃຫ້ແກ່ລະບົບຊີວະພາບຕໍ່ໜ້າບັນດາຜົນຮ້າຍທີ່ບໍ່ອາດຄາດຄະເນໄດ້ ລວງໜ້າ”, ກອງປະຊຸມໄດ້ແບ່ງປັນບົດຮຽນໃນການຄຸ້ມຄອງ ແລະ ຮັບມືກັບການປ່ຽນແປງຂອງດິນຟ້າອາກາດ. ບັນດາຜູ້ແທນໄດ້ສຸມໃສ່ແລກປ່ຽນກ່ຽວກັບບົດບາດຂອງພາກພື້ນທົ່ງພຽງ ແມ່ນ້ຳຂອງທາງພາກໃຕ້ ຫວຽດນາມໃນການພັດທະນາເສດຖະກິດ ແລະ ສ້າງຄວາມກ້ຳເກິ່ງດ້ານຊີວະພາບ, ບັນດາມາດຕະການຮັບມື, ຫລຸດຜ່ອນຜົນສະທ້ອນຈາກການປ່ຽນແປງຂອງດິນຟ້າອາກາດ ແລະ ພັດທະນາລະບົບຊີວະພາບໃນພາກພື້ນ, ມາດຕະການແກ້ໄຂແບບດຳລົງຊີວິດຢູ່ຮ່ວມກັບນ້ຳຖ້ວມຢູ່ພາກພື້ນແມ່ນ້ຳຂອງ ແລະ ບັນດາເຂດແຄມຝັ່ງທະເລຂອງ ຫວຽດນາມ. ກ່າວຄຳເຫັນໄຂກອງປະຊຸມ, ທ່ານຮອງລັດຖະມົນຕີກະຊວງສັບພະຍາກອນ ແລະ ສິ່ງແວດລ້ອມ ຫງວຽນທ໋າຍລາຍ ເນັ້ນໜັກວ່າ: ລັດຖະບານຫວຽດນາມ ໄດ້ຮັບຮອງເອົາ ແລະ ຜັນຂະຫຍາຍຍຸດທະສາດ ແລະ ໂຄງການຢ່າງລະອຽດຫຼາຍຢ່າງ, ພ້ອມທັງຖືເປັນສຳຄັນ ແລະ ປາດຖະໜາຢາກເພີ່ມທະວີການຮ່ວມມືກັບສາກົນໃນຂົງເຂດນີ້. ທ່ານຮອງລັດຖະມົນຕີສະແດງຄວາມເຊື່ອໝັ້ນວ່າ, ເວທີປາໄສສົນທະນາທົ່ວໂລກ ກ່ຽວກັບເຂດທົ່ງພຽງປີ 2013 ຈະແມ່ນໂອກາດທີ່ດີເພື່ອແບ່ງປັນຄວາມຮູ້, ບົດຮຽນໃນການຄຸ້ມຄອງ, ພັດທະນາ ແລະ ຮັບມືກັບບັນດາສິ່ງທ້າທາຍຢູ່ເຂດທົ່ງພຽງອື່ນໆ, ພິເສດແມ່ນເຂດທົ່ງພຽງແມ່ນນ້ຳຂອງ.