ການຜະລິດເກີບສົ່ງອອກຂອງຫວຽດນາມ (ພາບປະກອບ)
|
Vovworld- ວັນທີ 21/3, ຫ້ອງການການຄ້າ ແລະ ອຸດສາຫະກຳສາຂານະຄອນໂຮ່ຈິມິນໄດ້ສົມທົບກັບບໍລິສັດກົດໝາຍທົ່ວໂລກ Mayer Brown JSM ຈັດກອງປະຊຸມສຳມະນາວ່າດ້ວຍຫົວຂໍ້ “ ຮັບມືກັບບັນດາກໍລະນີ ຮ້ອງຟ້ອງປ້ອງກັນດ້ານ ການຄ້າ ແລະ ປ້ອງກັນຕົວຕໍ່ໜ້າສິນຄ້ານຳເຂົ້າ ທີ່ກໍ່ຜົນເສຍຫາຍ”
ທ່ານວໍ້ເຕີນແທ່ງ ຜູ້ອຳນວຍການຫ້ອງການການຄ້າ ແລະ ອຸດສາຫະກຳສາຂານະຄອນໂຮ່ຈິມິນໃຫ້ຮູ້ວ່າ ບັນດາກໍລະນີຮ້ອງຟ້ອງຕ້ານການຂາຍບຸບລາຄາ , ຕ້ານການໜູນຊ່ວຍພວມແມ່ນສິ່ງທ້າທາຍຢ່າງໃຫຍ່ຫຼວງຂອງບັນດາວິສາຫະກິດຫວຽດນາມ ໃນການສຳຜັດຕະຫຼາດຕ່າງປະເທດ, ຍົກສູງກຳລັງຄວາມສາມາດຜະລິດ-ການສົ່ງອອກ... ເພື່ອສາມາດຜ່ານຜ່າບັນດາຮົ້ວກີດຂວາງນີ້, ກ່ອນອື່ນໝົດ, ວິສາຫະກິດຄວນຊອກຮູ້ຢ່າງຈະແຈ້ງກ່ຽວກັບບັນດາບັນຫາທີ່ກ່ຽວຂ້ອງເຖິງການປ້ອງກັນດ້ານການຄ້າ, ຕ້ອງມີຍຸດທະສາດເທື່ອລະກ້າວເພື່ອ ຮັບມືຢ່າງລະອຽດ, ມີປະສິດທິຜົນສຳລັບຕະຫຼາດແຕ່ລະແຫ່ງ, ແຕ່ລະຂະແໜງສິນຄ້າ, ພ້ອມກັນນັ້ນ, ຄວນເອົາໃຈໃສ່ເຖິງສາຍພົວພັນ, ຮ່ວມສຳພັນລະຫວ່າງວິສາຫະກິດກັບວິສາຫະກິດ, ສະຫະສະມາຄົມ ແລະ ອົງການຄຸ້ມຄອງລັດ.
ທີ່ກອງປະຊຸມສຳມະນາ, ບັນດາຜູ້ຊ່ຽວຊານທີ່ມາຈາກ ບໍລິສັດກົດໝາຍທົ່ວໂລກ Mayer Brown JSM ໄດ້ສະໜອງບັນດາຄວາມຮູ້, ບົດຮຽນຕົວຈິງກ່ຽວກັບບັນດາບັນຫາທີ່ກ່ຽວຂ້ອງເຖິງຂົງເຂດ ປ້ອງກັນດ້ານການຄ້າ, ຂໍ້ມູນຂ່າວສານກ່ຽວກັບຮົ້ວກີດຂວາງການຄ້າທີ່ມີຕໍ່ຫວຽດນາມຢູ່ບຣາຊິນແລະ ອື່ນໆໃຫ້ແກ່ວິສາຫະກິດຫວຽດນາມ.