(ທ່ານລັດຖະມົນຕີການຕ່າງປະເທດ ບຸຍແທງເຊີນ ສົ່ງບົດກ່າວຄຳເຫັນເຖິງກອງປະຊຸມ)

            ວັນທີ 29 ສິງຫາ, ຢູ່ມະຫາວິທະຍາໄລ Sydney, ອົດສະຕາລີ, ສະຖານກົງສຸນໃຫຍ່ ຫວຽດນາມ ປະຈຳ Sydney (ອົດສະຕາລີ) ແລະ ມະຫາວິທະຍາໄລ Sydney ໄດ້ສົມທົບກັນຈັດກອງປະຊຸມສຳມະນາ “ນະວັດຕະກຳ ອົດສະຕາລີ - ຫວຽດນາມ”.

            ໃນບົດກ່າວຄຳເຫັນທີ່ສົ່ງເຖິງກອງປະຊຸມ, ທ່ານລັດຖະມົນຕີການຕ່າງປະເທດ ຫວຽດນາມ ບຸຍແທງເຊີນ ໄດ້ແບ່ງປັນວ່າ, ໜຶ່ງໃນບັນດາບຸລິມະສິດໃນຍຸດທະສາດພັດທະນາຂອງ ຫວຽດນາມ ແມ່ນສ້າງພື້ນຖານເສດຖະກິດໂດຍອີງໃສ່ວິທະຍາສາດ ແລະ ເຕັກໂນໂລຢີ, ນະວັດຕະກຳ, ການຫັນເປັນດີຈີຕອນ ແລະ ການເຕີບໂຕສີຂຽວ. ສະນັ້ນ, ຫວຽດນາມ ພວມເປີດກວ້າງການຮ່ວມມືກັບສາກົນໃນຂົງເຂດນີ້, ໃນນັ້ນ ອົດສະຕາລີ ແມ່ນຄູ່ຮ່ວມມືແຖວໜ້າ. ໃນສະພາບການທີ່ບັນດາປະເທດພວມປະເຊີນໜ້າກັບສິ່ງທ້າທາຍໃນການປະຕິບັດບັນດາເປົ້າໝາຍພັດທະນາແບບຍືນຍົງຂອງສະຫະປະຊາຊາດຮອດປີ 2030, ຫວຽດນາມ ແລະ ອົດສະຕາລີ ຍິ່ງຕ້ອງເພີ່ມທະວີການຮ່ວມມື 2 ຝ່າຍໃນບັນດາຂົງເຂດດັ່ງກ່າວໃຫ້ດີກວ່າເກົ່າ ເພື່ອຫັນບັນດາເປົ້າໝາຍ ແລະ ຄວາມມຸ່ງມາດປາດຖະໜາລວມຂອງ 2 ປະເທດໃຫ້ປະກົດຜົນເປັນຈິງ.

            ທີ່ກອງປະຊຸມສຳມະນາ, ບັນດານັກຄົ້ນຄ້ວາຂອງ 2 ປະເທດໄດ້ແບ່ງປັນຫຼາຍໂຄງການຄົ້ນຄວ້າໂດຍ 2 ຝ່າຍໄດ້ສົມທົບກັນປະຕິບັດ, ເຊັ່ນ: ໂຄງການໃນຂົງເຂດການແພດ, ໂຄງການຄົ້ນຄວ້າການສື່ສານດີຈີຕອນ, ເຄືອຂ່າຍຫໍພິພິທະພັນ ແລະ ຫຼາຍໂຄງການໃນຂົງເຂດກະສິກຳ… ຢູ່ຫວຽດນາມ.