ການເຈລະຈາສັນຍາ ປາຣີ
ພາບ: internet
|
(vovworld) - ຕອນເຊົ້າວັນທີ 17/1 ຢູ່ ຮ່າໂນ້ຍ, ມະຫາວິທະຍາໄລວິທະຍາສາດ ສັງຄົມ ແລະ ມະນຸດສາດ, ມະຫາວິທະຍາໄລແຫ່ງຊາດ ຮ່າໂນ້ຍ ໄດ້ຈັດຕັ້ງກອງປະຊຸມສຳມະນາວິທະຍາສາດສາກົນ “ສັນຍາປາຣີປີ 1973: ຫວນຄືນ 40 ປີ ກ່ອນ”. ເຂົ້າຮ່ວມກອງປະຊຸມສຳມະນາ ມີບັນດານັກວິທະຍາສາດສາກົນມາຈາກບັນດາສະຖາບັນຄົ້ນຄ້ວາຍຸດທະສາດ, ປະຫວັດສາດການທະຫານ ຂຶ້ນກັບກະຊວງປ້ອງກັນປະເທດ, ກະຊວງການຕ່າງປະເທດ, ມະຫາວິທະຍາໄລຝລ່ັງ, ມະຫາວິທະຍາໄລ ເຢຍລະມັນ, ມະຫາວິທະຍາໄລ Havard ອາເມລິກາ. ສ່ວນຝ່າຍ ຫວຽດນາມ ມີບັນດາຜູ້ແທນຊຶ່ງແມ່ນ ອະດີດເອກອັກຄະລັດຖະທູດ, ພະນັກງານການທູດ, ສະມາຊິກຄະນະຜູ້ແທນເຂົ້າຮ່ວມການເຈລະຈາສັນຍາປາຣີ, ຕົວພະຍານປະຫວັດສາດ, ສາສະດາຈານ ແລະ ນັກຄົ້ນຄ້ວາວິທະຍາສາດ. ກ່າວຄຳເຫັນໄຂກອງປະຊຸມສຳມະນາ, ສາສະດາຈານ, ດຣ ຫງວຽນວັນແຄງ, ຜູ້ອຳນວຍການມະຫາວິທະຍາໄລວິທະຍາສາດສັງຄົມ ແລະ ມະນຸດສາດ ຢືນຢັນວ່າ: ສັນຍາປາຣີ ປີ 1973 ບໍ່ພຽງແຕ່ແມ່ນເຫດການມີຄວາມໝາຍສຳຄັນຍິ່ງສຳລັບພາລະກິດຍາດເອົາເອກະລາດ, ໂຮມປະເທດຊາດເປັນເອກະພາບເທົ່ານັ້ນ ຫາກແມ່ນເຫດການປະຫວັດສາດ ມີເນື້ອໃນສິລະປະຍຸດການທະຫານ, ສິລະປະຍຸດການເຈລະຈາ ແລະ ບັນດາບັນຫາສາກົນອື່ນໆ.
“ກອງປະຊຸມສຳມະນາຄັ້ງນີ້ ແມ່ນການສັງເກດຮອບດ້ານ, ສຸມໃສ່ເນື້ອໃນຕົ້ນຕໍຈຳນວນຫນຶ່ງ. ປາດຖະຫນາວ່າ ຈາກບັນດາບົດປະກອບຄຳຄິດຄຳເຫັນ ແລະ ຄຳປຶກສາຫາລືທີ່ກອງປະຊຸມສຳມະນາ, ພວກເຮົາຈະຖອດຖອນບົດຮຽນຫລາຍຢ່າງທີ່ມີປະໂຫຍດ ກ່ຽວກັບການແກ້ໄຂຂໍ້ຂັດແຍ້ງ, ການປະທະກັນ ແລະ ສົງຄາມພາກສ່ວນ, ໂດຍອີງໃສ່ການເຄື່ອນໄຫວທາງການທູດ ແລະ ການເຈລະຈາ, ໃນສະພາບພາກພື້ນ ແລະ ສາກົນ ນັບມື້ນັບຜັນແປໄປຢ່າງສັບສົນຄືປະຈຸບັນ.”