( vovworld ) - ໃນຂອບເຂດການຢ້ຽມຢາມຍີ່ປຸ່ນ ແລະ ເຂົ້າຮ່ວມກອງປະຊຸມ “ ອະນາຄົດອາຊີ ” ຄັ້ງທີ 18, ເຊິ່ງດຳເນີນໄປຢູ່ໂຕກຽວ ແຕ່ວັນທີ 24 – 25/5, ວັນທີ 23/5, ທ່ານນາງຮອງປະທານປະເທດຫວຽດນາມ Nguyen Thi Doan ໄດ້ໃຫ້ການຕ້ອນຮັບເຈົ້າຄອງນະຄອນ Nagoya, ທ່ານ Takashi Kawamura. ທ່ານນາງຮອງປະທານປະເທດ Nguyen Thi Doan ໄດ້ຢືນຢັນວ່າ ຍາມໃດຫວຽດນາມ ກໍຖືເປັນສຳຄັນການພົວພັນຮ່ວມມືກັບຍີ່ປຸ່ນ. ປະຈຸບັນຍີ່ປຸ່ນ ແມ່ນຄູ່ຮ່ວມມືດ້ານການຄ້າໃຫຍ່ສຸດຂອງຫວຽດນາມ ດ້ວຍຍອດວົງເງິນການຄ້າສອງສົ້ນບັນລຸກວ່າ 20 ຕື້ USD/ປີ. ທ່ານນາງຮອງປະທານປະເທດຫວັງວ່າ ມຸງໄປສູ່ປີມິດຕະພາບຫວຽດນາມ - ຍີ່ປຸ່ນ ປີ 2013, ນະຄອນ Nagoya ຈະສ້າງການພົວພັນກັບນະຄອນໜື່ງຂອງຫວຽດນາມ ໂດຍໄວ, ປະກອບສ່ວນເພີ່ມທະວີການພົວພັນຮ່ວມມືລະຫວ່າງສອງປະເທດ. ແລະ ກໍໃນວັນດຽວກັນ, ທ່ານນາງຮອງປະທານປະເທດ Nguyen Thi Doan ໄດ້ໄປຢ້ຽມຢາມຫໍພິພິດທະພັນເຕັກນິກອຸດສາຫະກຳ TOYOTA , ຢ້ຽມຢາມ ແລະ ໂອ້ລົມກັບພະນັກງານສະຖານທູດຫວຽດນາມ ແລະ ນັກສຶກສາທີ່ພວມຮໍ່າຮຽນຢູ່ໂຕກຽວ.
( ທ່ານນາງຮອງປະທານປະເທດ Nguyen Thi Doan
ແລະອົງມົນກຸດລາຊະກຸມມານຍີ່ປຸ່ນ Naruhito )
ໃນວັນທີ 24/5, ທ່ານນາງຮອງປະທານປະເທດ Nguyen Thi Doan ໄດ້ເຂົ້າຢ້ຽມຄໍານັບອົງມົນກຸດລາຊະກຸມມານຍີ່ປຸ່ນ Naruhito ເນື່ອງໃນໂອກາດຢ້ຽມຢາມຍີ່ປຸ່ນ ແລະ ເຂົ້າຮ່ວມກອງປະຊຸມ “ ອະນາຄົດອາຊີ ” ຄັ້ງທີ 18. ທ່ານນາງຮອງປະທານປະເທດ Nguyen Thi Doan ໄດ້ສະແດງຄວາມເຄົາລົບນັບຖືຕໍ່ຈິດໃຈ ແລະ ເຈດຈຳນົງອົງອາດກ້າແກ່ນຂອງປະຊາຊົນຍີ່ປຸ່ນ ໃນການຟື້ນຟູ ແລະ ສ້າງສາປະເທດຊາດຄືນໃໝ່ພາຍຫຼັງເຫດແຜນດິນໄຫວ ແລະ ຄື້ນຍັກເມື່ອປີ 2011, ພ້ອມກັນນັ້ນກໍເນັ້ນໜັກວ່າ ຍາມໃດລັດ, ລັດຖະບານ ແລະ ປະຊາຊົນຫວຽດນາມ ກໍພ້ອມແລ້ວໃຫ້ການກັນຊ່ວຍເຫຼືອປະຊາຊົນຍີ່ປຸ່ນ. ອົງມົນກຸດລາຊະກຸມມານ Naruhito ກໍເຊື້ອໝັ້ນວ່າ ເລື່ອງທ່ານນາງຮອງປະທານປະເທດ Nguyen Thi Doan ເຂົ້າຮ່ວມກອງປະຊຸມ “ ອະນາຄົດອາຊີ ” ຄັ້ງນີ້ຈະປະກອບສ່ວນສຳຄັນເຂົ້າໃນການເພີ່ມທະວີ ແລະ ປັບປຸງການພົງວພັນຮ່ວມມືອັນດີງາມຂອງສອງປະເທດຍິ່ງກວ່າອີກ. ຫວຽດນາມ ແລະ ຍີ່ປຸ່ນ ໄດ້ເຫັນດີຖືເອົາປີ 2013 ແມ່ນປີມິດຕະພາບຫວຽດນາມ - ຍີ່ປຸ່ນ ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນສ້າງສາຍພົວພັນດ້ານການທູດລະຫວ່າງສອງປະເທດ. ນີ້ກໍແມ່ນໂອກາດເພື່ອໃຫ້ສອງປະເທດຍູ້ແຮງການພົວພັນປຊາຊົນ ແລະ ແລກປ່ຽນວັດທະນະທຳ.