ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິງມິນ ຕອບສຳພາດນັກຂ່າວ
|
(vovworld)- ການເຄື່ອນໄຫວພົວພັນຕ່າງປະເທດປີ 2013 ນຳມາເຊິ່ງບັນດາໝາກຜົນລະອຽດ ແລະ ມີກຳລັງແຜ່ຂະຫຍາຍ. ນີ້ແມ່ນຄຳຢືນຢັນຂອງທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິງມິນທີ່ບັນດາການພົບປະກັບບັນດາສຳນັກສື່ມວນຊົນຢູ່ພາຍໃນປະເທດ ແນໃສ່ໃຫ້ຂ່າວກ່ຽວກັບບັນດາໝາກຜົນຂອງ ການເຄື່ອນໄຫວພົວພັນຕ່າງປະເທດປີ 2013 ກໍຄືທິດທາງການເຄື່ອນໄຫວຂອງຂະແໜງການທູດປີ 2014. ຕາມທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິງມິນ ແລ້ວ, ປີ 2013, ການເຄື່ອນໄຫວພົວພັນຕ່າງປະເທດ ໄດ້ຮັບການຜັນຂະຫຍາຍຢ່າງມີຈຸດສຸມ, ມີລັກສະນະຮອບດ້ານ. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິງມິນ ກ່າວວ່າ :
“ ປີ 2013, ຫວຽດນາມສ້າງການພົວພັນຄູ່ຮ່ວມມືຍຸດທະສາດກັບໄທ, ອິນໂດເນເຊຍ, ສິງກະໂປ, ອີຕາລີ ແລະ ຝະລັ່ງ. ຫວຽດນາມ ແລະ ສະຫະລັດອາເມລິກາ ກໍໄດ້ສ້າງຂອບເຂດ ການພົວພັນຄູ່ຮ່ວມມື ແລະ ການຮ່ວມມືຮອບດ້ານ. ບັນດາຂອບເຂດການພົວພັນນັ້ນ, ໄດ້ສະແດງໃຫ້ເຫັນໃນທຸກດ້ານ ຈາກຜົນປະໂຫຍດຍຸດທະສາດຂອງຫວຽດນາມ ຕະຫຼອດຮອດຂົງເຂດການເມືອງ, ການປ້ອງກັນຊາດ , ປ້ອງກັນຄວາມສະຫງົບ, ການຄ້າ, ການລົງທຶນ....”
ນອກຈາກນັ້ນ, ຫວຽດນາມກໍໄດ້ຮັບເລືອກຕັ້ງເຂົ້າເປັນສະມາຊິກສະພາສິດທິມະນຸດແຫ່ງສະຫະປະຊາຊາດ ແລະ ຄະນະກຳມາທິການມໍລະດົກໂລກ. ສານຂອງຫວຽດນາມທີ່ວ່າ “ ສ້າງຄວາມເຊື່ອໝັ້ນຍຸດທະສາດ” ໃນການພົວພັນສາກົນ, ໄດ້ຮັບການຍ້ອງຍໍຊົມເຊີຍ ແລະ ຕີລາຄາສູງຈາກຫາງສຽງສາກົນ.