( vovworld ) - ວັນທີ 12 ກຸມພາ, ລັດຖະມົນຕີການຕ່າງປະເທດບັນດາປະເທດ ອາຣັບ ໄດ້ເຂົ້າຮ່ວມກອງປະຊຸມຢູ່ນະຄອນຫຼວງ ກາຍໂຣ, ເພື່ອຕົກລົງບາດກ້າວຕໍ່ໄປໃນບັນຫາ ຊີຣີ. ເຈົ້າໜ້າທີ່ຜູ້ໜື່ງສັງກັດສະຫະພັນ ອາຣັບ ໃຫ້ຮູ້ວ່າ, ບັນດາລັດຖະມົນຕີສາມາດພິຈາລະນາ, ຮຽກຮ້ອງນັກສັງເກດການໜ່ວຍໜຶ່ງ ໄປ ຊີຣີ ເພີ່ອສືບສວນວ່າ ທ່ານປະທານາທິບໍດີ Assad ຈະປະຕິບັດຄຳໝັ້ນສັນຍາຢຸດຕິການໃຊ້ຄວາມຮຸນແຮງຫຼືບໍ. ເຖິງຢ່າງໃດກໍ່ຕາມ, ຊີຣີ ອາດຈະບໍ່ຮັບຮູ້ ໃຫ້ນັກສັງເກດການໜ່ວຍໃດເຂົ້າປະເທດນີ້. ນອກນັ້ນບັນດາລັດຖະມົນຕີທີ່ເຂົ້າຮ່ວມກອງປະຊຸມໃນວັນທີ 12/2 ອາດຈະປຶກສາຫາລືກ່ຽວກັບເລື່ອງຮັບຮອງກຳລັງຝ່າຍຄ້ານຕົ້ນຕໍ່ຢູ່ ຊີຣີ - ສະພາປົກຄອງໄລຍະຂ້ານຜ່ານ ຊີຣີ ຢ່າງເປັນທາງການ, ສິ່ງດັ່ງກ່າວສະແດງໃຫ້ເຫັນການສະໜັບສະໜູນຂອງບັນດາປະເທດ ອາຣັບ ທີ່ມີຕໍ່ຝ່າຍຄ້ານຢູ່ ຊີຣີ.
ໃນຂະນະນັ້ນ, ການໃຊ້ຄວາມຮຸນແຮງຍັງເພີ່ມຂື້ນຢ່າງລຽນຕິດຢູ່ ຊີຣີ. ພາຍຫຼັງການວາງລະເບີດຢູ່ນະຄອນ Aleppo ເຊິ່ງເຮັດໃຫ້ນັບຮ້ອຍຄົນເສຍຊີວິດເມື່ອວັນທີ 10 ກຸມພາ, ວັນທີ 11 ກຸມພາມີເຈົ້າໜ້າທີ່ກອງທັບ ຊີຣີ ຖືກລອບສັງຫານຢູ່ ດາມາດ. ການໃຊ້ຄວາມຮຸນແຮງເພີ່ມຂຶ້ນເຮັດໃຫ້ຫາງສຽງວິຕົກກັງວົນຕໍ່ການປະລາໄຊໃນ ບັນດາມາດຕະການພົວພັນຕ່າງປະເທດ ຂອງປະຊາຄົມໂລກທີ່ມີຕໍ່ບັນຫາ ຊີຣີ.