ວາລະປະຊຸມຄັ້ງທີ 45 ຂອງສະພາແຂ່ງຂັນຍ້ອງຍໍສູນກາງ
ພາບ:hanoimoi.com.vn
(vovworld) - ວັນທີ 9/2 ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູ໋ງ, ປະທານສະພາແຂ່ງຂັນ ຍ້ອງຍໍສູນກາງ ເປັນເຈົ້າພາບວາລະປະຊຸມຄັ້ງທີ 45 ຂອງສະພາ. ວາລະປະຊຸມ ເພື່ອແນໃສ່ຕີລາຄາໝາກຜົນວຽກງານ ປີ 2011 ແລະ ບັນດາຫນ້າທີ່ຈຸດສຸມ ປີ 2012. ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢູ໋ງ ຖືວ່າ ປີ 2011 ຂະບວນການແຂ່ງຂັນຍາມໃດກໍສຸມໃສ່ປະຕິບັດບັນດາຈຸດໝາຍລວມຂອງຊາດ ຢ່າງມີໄຊ. ຕາມທ່ານນາຍົກລັດຖະມົນຕີແລ້ວ, ວຽກງານແຂ່ງຂັນ, ຍ້ອງຍໍ ປີ 2012 ຕ້ອງຕິດພັນກັບການປະຕິບັດບັນດາຫນ້າທີ່ພັດທະນາເສດຖະກິດສັງຄົມທີ່ໄດ້ວາງອອກຢ່າງມີໄຊ, ຍ້ອງຍໍໃຫ້ຖືກຄົນ, ຖືກວຽກ. ບົນຈິດໃຈນີ້, ທ່ານນາຍົກລັດຖະມົນຕີ ຫງວຽນເຕີນຢູງ ສະເຫນີໃຫ້ບັນດາສະມາຊິກຂອງສະພາແຂ່ງຂັນ ຍ້ອງຍໍ ຈົ່ງເອົາໃຈໃສ່ເຖິງວຽກງານຍູ້ແຮງຖະແຫລງຂ່າວ, ໂຄສະນາກ່ຽວກັບບັນດາຂະບວນການແຂ່ງຂັນ, ທະວີຄູນແບບຢ່າງດີເດັ່ນໃນຂະບວນການອອກແຮງງານ, ການຜະລິດ.
“ເພື່ອໃຫ້ການປະຕິບັດວຽກງານແຂ່ງຂັນ ຍ້ອງຍໍເປັນຢ່າງດີກວ່າ, ການເຄື່ອນໄຫວຂອງສະພາຈຶ່ງແທດຈິງກວ່າ, ຄວນໃສ່ໃຈເຖິງ 5 ຫນ້າທີ່ ແລະ ບັນດາມາດຕະການຂອງປີ 2012. ນັ້ນແມ່ນຍູ້ແຮງຂະບວນການແຂ່ງຂັນຮັກຊາດນັບແຕ່ຊຸມເດືອນຕົ້ນປີ, ສ້າງແຜນຮ່າງປ່ຽນແປງໃຫມ່ວຽກງານແຂ່ງຂັນ ຍ້ອງຍໍໃຫ້ສົມບູນແບບ, ແນະນຳ, ຊີ້ນຳບັນດາກະຊວງ, ຂະແຫນງການ ແລະ ທ້ອງຖິ່ນ ສະຫລຸບ 8 ປີ ແຫ່ງການປະຕິບັດກົດໝາຍແຂ່ງຂັນ ຍ້ອງຍໍ ບົນພື້ນຖານນັ້ນ ສະເຫນີປັບປຸງກົດໝາຍ. ກ່ຽວກັບແຜນຮ່າງປ່ຽນແປງວຽກງານແຂ່ງຂັນຍ້ອງຍໍ, ສ້າງແຜນຮ່າງນີ້ ແມ່ນມີຄວາມຈຳເປັນ, ຄຽງຂ້າງຜົນທີ່ໄດ້ຮັບນັ້ນ, ຍັງປະກົດມີຂໍ້ຂາດຕົກບົກຜ່ອງຈາກການຈັດຕັ້ງແຂ່ງຂັນຕະຫລອດຮອດການຍ້ອງຍໍ.”
ແລະກໍຢູ່ວາລະປະຊຸມ, ທ່ານນາຍົກລັດຖະມົນຕີ ພ້ອມດ້ວຍບັນດາສະມາຊິກໃນສະພາແຂ່ງຂັນ ຍ້ອງຍໍ, ບັນດາຜູ້ແທນ ໄດ້ຮັບຟັງບົດລາຍງານ, ປຶກສາຫາລືກ່ຽວກັບບັນດາເນື້ອໃນພື້ນຖານຂອງແຜນຮ່າງປ່ຽນໃຫມ່ວຽກງານແຂ່ງຂັນ, ຍ້ອງຍໍ.