ພາບປະກອບ (google.com.vn)
(vovworld) - ຕອນເຊົ້າວັນທີ 19/4, ໃນຂອບເຂດວາລະປະຊຸມທີ 7, ເປັນຄັ້ງທຳອິດທີ່ຄະນະປະຈຳສະພາແຫ່ງຊາດຊຸດທີ 13 ປຶກສາຫາລືແຜນຮ່າງສັງລວມກ່ຽວກັບການສ້າງໂຄງປະກອບພື້ນຖານເສດຖະກິດຄືນໃໝ່. ແຜນຮ່າງໄດ້ລວບລວມເອົາບັນດາຈຸດດີ, ຈຸດອ່ອນຂອງພື້ນຖານເສດຖະກິດຫວຽດນາມ ຢ່າງຄົບຖ້ວນ ແລະ ວາງອອກບັນດາມາດຕະການສ້າງໂຄງປະກອບພື້ນຖານເສດຖະກິດຄືນໃໝ່. ຕາມນັ້ນແລ້ວ, ບັນດາຂະແໜງເສດຖະກິດນຳໃຊ້ເຕັກໂນໂລຢີໂດຍພື້ນຖານທີ່ບໍ່ມີການປ່ຽນແປງປານໃດຈະໄດ້ຮັບການສ້າງໂຄງປະກອບຄືນໃໝ່ຢ່າງຮຽບຮ້ອຍ, ໝັ້ນຄົງ, ສ່ວນບັນດາຂະແໜງນຳໃຊ້ເຕັກໂນໂລຢີທີ່ມີການປ່ຽນແປງຢ່າງວ່ອງໄວຈະໄດ້ຮັບການສ້າງໂຄງປະກອບຄືນໃໝ່ຢ່າງວ່ອງໄວ, ບຸກທະລຸ. ແຜນຮ່າງກໍ່ຊີ້ອອກ 7 ໝວດຂະແໜງທີ່ໄດ້ຮັບບຸລິມາສິດພັດທະນາໃນໄລຍະກາງ ແລະໄລຍະຍາວ.