ທ່ານຮ່ວາງບິງກວນ, ຫົວໜ້າຄະນະພົວພັນ
ກັບຕ່າງປະເທດສູນກາງພັກກອມມູນິດຫວຽດນາມ
(ພາບ:vietnam.vn)
(vovworld) - ໂດຍໄດ້ຮັບຄຳເຊີນຂອງກະຊວງການຕ່າງປະເທດອາເມລິກາ, ຄະນະຜູ້ແທນພັກກອມມູນິດຫວຽດນາມ ໂດຍທ່ານຮ່ວາງບິງກວນ, ຫົວໜ້າຄະນະພົວພັນກັບຕ່າງປະເທດສູນກາງພັກກອມມູນິດຫວຽດນາມນຳໜ້າ ໄດ້ໄປຢ້ຽມຢາມ ແລະ ເຮັດວຽກຢູ່ອາເມລິກາ ແຕ່ວັນທີ 9-19/12. ໃນໄລຍະຢູ່ຢ້ຽມຢາມ ແລະ ເຮັດວຽກຢູ່ອາເມລິກາ, ຄະນະໄດ້ມີການເຈລະຈາກັບທ່ານຮອງລັດຖະມົນຕີກະຊວງການຕ່າງປະເທດອາເມລິກາ, ພົບປະກັບທ່ານຜູ້ຊ່ວຍວຽກພິເສດຂອງປະທານາທິບໍດີອາເມລິກາ, ສະມາຊິກສະພາຕ່ຳ ແລະ ສະມາສູງອາເມລິກາ ຈຳນວນໜຶ່ງ… ທີ່ບັນດາການເຮັດວຽກ, ທ່ານຮ່ວາງບິງກວນ, ຫົວໜ້າຄະນະພົວພັນກັບຕ່າງປະເທດສູນກາງພັກກອມມູນິດຫວຽດນາມ ແລະ ບັນດາຄູ່ຮ່ວມມືອາເມລິກາ ໄດ້ປືກສາຫາລືບັນດາທິດທາງ ແລະ ມາດຕະການເພື່ອແນໃສ່ຊຸກຍູ້ການພົວພັນລະຫວ່າງຫວຽດນາມ-ອາເມລິກາໃນໄລຍະຈະມາເຖິງໃຫ້ແທດຈິງ ແລະ ມີປະສິດຜົນກ່ວາອີກ. ທ່ານຮ່ວາງບິງກວນ ຢືນຢັນວ່າ ຫວຽດນາມ ຈະສືບຕໍ່ພັດທະນາການພົວພັນໃນຫຼາຍດ້ານກັບອາເມລິກາ ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບໃນພາກພື້ນ ແລະ ໃນໂລກ.