ຈີນ ຕຳໜິຕິຕຽນ ອາເມລິກາ ໂຈະ ການເຈລະຈາດ້ານການຄ້າຂັ້ນລັດຖະມົນຕີ
(VOVWORLD) -ໃນວັນທີ 19 ສິງຫາ, ຈີນ ໄດ້ຕຳໜິຕິຕຽນອຳນາດການປົກຄອງຂອງທ່ານປະທານາທິບໍດີ ອາເມລິກາ Donald Trump ກ່ຽວກັບເລື່ອງໂຈະການເຈລະຈາດ້ານການຄ້າຂັ້ນລັດຖະມົນຕີທີ່ໃກ້ຈະດຳເນີນດ້ວຍເຫດຜົນທີ່ວ່າ “ ຈີນ ບໍ່ສາມາດສະກັດກັ້ນການແຜ່ລະບາດຂອງໂລກລະບາດໂຄວິດ-19ມານັບແຕ່ໄລຍະທຳອິດ”.
 ທ່ານ ຈາວຫຼີຈຽນ ໂຄສົກຂອງກະຊວງການຕ່າງປະເທດ ຈີນ (ພາບ: TTXVN) |
ກ່າວຄຳເຫັນຕໍ່ສື່ມວນຊົນ,ໂຄສົກຂອງກະຊວງການຕ່າງປະເທດ ຈີນ ຈາວຫຼີຈຽນ ຊີ້ແຈ້ງວ່າ: “ຈີນ ໄດ້ປະຕິບັດສຳເລັດພັນທະ ແລະ ຄວາມຮັບຜິດຊອບຂອງຕົນຢ່າງເປີດເຜີຍ, ໂປ່ງໃສ ແລະ ມີຄວາມຮັບຜິດຊອບ”.
ກ່ອນໜ້ານັ້ນ, ໃນວັນທີ 18 ສິງຫາ, ທ່ານປະທານາທິບໍດີ ອາເມລິກາ Donald Trump ໄດ້ແຈ້ງ ໂຈະການເຈລະຈາດ້ານການຄ້າກັບ ຈີນ, ພ້ອມທັງໃຫ້ຮູ້ວ່າໃນເວລານີ້ ທ່ານ ບໍ່ຢາກເຈະລະຈາກັບ ຈີນ. ຍິ່ງໄປກວ່ານັ້ນ ເມືອຖຶກຖາມວ່າ ອາເມລິກາ ຖອນອອກຈາກຂໍ້ຕົກລົງດ້ານການຄ້າກັບ ຈີນ ຫຼືບໍ່, ທ່ານ Donald Trump ໃຫ້ຮູ້ວ່າເລື່ອງນີ້ ທ່ານຈະຄິດໄລ່ຊັ່ງຊາ.