(vovworld) - ເພື່ອແນໃສ່ມຸ້ງໄປເຖິງການເຂົ້າຮ່ວມປະຊາຄົມເສດຖະກິດ ອາຊຽນ (AEC) ໃນປີ 2015, ອິນໂດເນເຊຍ ພວມມານະພະຍາຍາມເພີ່ມທະວີລັກສະນະແກ່ງແຍ້ງຂອງພື້ນຖານເສດຖະກິດໃຫຍ່ສຸດພາກພື້ນ ອາຊີຕາເວັນອອກສ່ຽງໃຕ້ນີ້. ທ່ານ Rizal Affandi Lukman, ເຈົ້າໜ້າທີ່ກະຊວງເສດຖະກິດ ອິນໂດເນເຊຍ ຖືວ່າ: ການສ້າງປະຊາຄົມເສດຖະກິດລວມຂອງບັນດາປະເທດ ອາຊຽນ ຈະນຳມາເຊິ່ງຕະຫຼາດແກ່ງແຍ້ງ, ພັດທະນາຢ່າງຍຸຕິທຳ ແລະ ເຊື່ອມໂຍງຢ່າງຮອບດ້ານເຂົ້າກັບເສດຖະກິດທົ່ວໂລກ. ເລື່ອງເພີ່ມທະວີລັກສະນະແກ້ງແຍ້ງຂອງພື້ນຖານເສດຖະກິດແມ່ນໜ້າທີ່ຈຳເປັນ ຍ້ອນວ່າເມື່ອ AEC ໄດ້ຮັບການສ້າງຕັ້ງໃນປີ 2015, ຈຳນວນທຶນ, ສິນຄ້າ, ການບໍລິການ, ການລົງທຶນ ແລະ ຕະຫຼາດແຮງງານຈະໄດ້ຕອບສະໜອງຢ່າງເສລີ. ທ່ານ Lukman ໃຫ້ຮູ້ວ່າ, ເຖິງວ່າມີການລະໂອກາດຫຼາຍຢ່າງເມື່ອເຊື່ອມໂຍງ, ແຕ່ ອິນໂດເນເຊຍ ຍັງຄົງຕ້ອງປະເຊີນໜ້າກັບບັນດາການທ້າທາຍຈາກພາຍໃນປະເທດຄື: ພື້ນຖານໂຄງລ່າງອ່ອນດ້ອຍ ແລະ ບັນຫາຄ່າຂົນສົ່ງສູງ. ເລື່ອງພື້ນຖານໂຄງລ່າງ ແລະ ຖະໜົນຫົນທາງອ່ອນດ້ອຍ ໄດ້ກໍ່ຄວາມຫຍຸ້ງຍາກໃຫ້ແກ່ການເຄື່ອນໄຫວສະໜອງສິນຄ້າຮັບໃຊ້ຜູ້ອຸປະໂພກ, ບໍລິໂພກ ແລະ ບັນດາຮາກຖານຜະລິດ.