ການປະທະກັນຍັງຄົງເກີດຂຶ້ນຢູ່ຊີຣີ (ພາບ: AFP)
|
Vovworld- ວັນທີ 7/3, ໂດຍມີຄວາມວິຕົກກັງວົນຕໍ່ວິກິດການຢູ່ຊີຣີແຜ່ລາມອອກສູ່ວົງກ້ວາງ, ອຳນາດການປົກຄອງ ອີຣັກ ໄດ້ຕົກລົງປິດດ່ານຊາຍແດນກັບປະເທດນີ້. ຂ່າວຈາກໂຄສົກກະຊວງປ້ອງກັນປະເທດອີຣັກໃຫ້ຮູ້ວ່າ ນອກຈາກເລື່ອງ ປິດດ່ານຊາຍແດນນັ້ນ, ອີຣັກຍັງເພີ່ມກຳລັງທະຫານແນໃສ່ສະກັດກັ້ນບັນດາການຍິງປະທະກັນກັບກຳລັງລຸກຮື້ຂຶ້ນຢູ່ປະເທດເພື່ອນບ້ານໃກ້ຄຽງ.
ຂ່າວຍັງໃຫ້ຮູ້ວ່າ ໃນວັນດຽວກັນ, ສະພາຄວາມໝັ້ນຄົງສະຫະປະຊາຊາດ ໄດ້ຮຽກຮ້ອງໃຫ້ບັນດາມືປືນລຸກຮື້ຂຶ້ນ ຊີຣີ ຈົ່ງມອບສົ່ງຕົວທະຫານ 20 ຄົນສັງກັດກຳລັງຮັກສາສັນຕິພາບຊຶ່ງຖືກລອບຈັບຕົວກ່ອນນັ້ນຢູ່ເຂດພູພຽງ Golan. ຕາມບັນດານັກການທູດແລ້ວ, ບັນດາທະຫານຖືກລອບຈັບຕົວນັ້ນ ສັງກັດກຳລັງນັກສັງເກດການບໍ່ເຂົ້າຮ່ວມກຳລັງສະຫະປະຊາຊາດ ຢູ່ເຂດພູພຽງ Golan, ເຂົາເຈົ້າແມ່ນຊາວຟີລິບປີນ.