(vovworld) – ຕອນເຊົ້າວັນທີ 15/5, ອົງຄະນະພັກກຸ່ມບັນດາອົງການສູນກາງໄດ້ຈັດຕັ້ງພິທີສະເຫຼີມສະຫຼອງ 65 ປີແຫ່ງວັນປະທານ ໂຮ່ຈີມິນ ອອກຄຳຮຽກຮ້ອງແຂ່ງຂັນຮັກຊາດ (11/06/1948 – 11/06/2013) ແລະ ຍ້ອງຍໍຊົມເຊີຍບັນດາໝູ່ຄະນະ, ສ່ວນບຸກຄົນ ດີເດັ່ນໃນການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ. ພາຍຫຼັງຜັນຂະຫຍາຍປະຕິບັດຄຳສັ່ງເລກທີ 03 ຂອງກົມການເມືອງມາເປັນເວລາ 2 ປີ ກ່ຽວກັບການສືບຕໍ່ຍູ້ແຮງການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ, ອົງຄະນະພັກກຸ່ມບັນດາອົງການສູນກາງໄດ້ຍູ້ແຮງບັນດາຂະບວນການແຂ່ງຂັນຮັກຊາດຕິດພັນກັບການປະຕິບັດຄຸນສົມບັດລັດຖະການເປັນປະຈຳ. ໃນວິວັດການປະຕິບັດ, ໄດ້ພົບເຫັນຫຼາຍແບບຢ່າງດີເດັ່ນ. ອົງຄະນະພັກກຸ່ມ ໄດ້ເລືອກເຟັ້ນ ແລະ ສຸມໃສ່ຊີ້ນຳປະຕິບັດ 2 ຂອດບຸກທະລຸແມ່ນຜັນຂະຫຍາຍເລື່ອງຮຳ່ຮຽນ, ປະຕິບັດຕາມຄຸນສົມບັດລັດຖະການ ແລະ ຍົກສູງຄຸນນະພາບຂອງໜ່ວຍພັກ, ປະສິດທິຜົນການເຄື່ອນໄຫວຂອງການຈັດຕັ້ງພັກໃນບັນດາອົງການສູນກາງເປັນຢ່າງດີ ເພື່ອຄຸມຄອງ, ສຶກສາ, ຫລໍ່ຫຼອມພະນັກງານ, ສະມາຊິກພັກເສີມຂະຫຍາຍບົດບາດປະຈັນບານເປັນແບບຢ່າງ ແລະ ບົດບາດຂອງຜູ້ນຳ, ບັນດາອົງການແກ່ນສານ, ອົງການຍຸດທະສາດຢູ່ສູນກາງ.