ຍ້ອງຍໍສັນລະເສີນພະນັກງານ,ນັກຮົບປ້ອງກັນຊາຍແດນເຂດໄຕບັກ
ທ່ານຮອງນາຍົກລັດຖະມົນຕີ ຫງວຽນຊວນຟຸກ
photo:qdnd.vn
|
(vovworld) ຕອນເຊົ້າວັນທີ 24/2 ຢູ່ ແຂວງ ແທງຮວາ, ຄະນະຊີ້ນຳເຂດໄຕບັກ(ໝາຍເຖິງທາງທິດຕາເວັນຕົກສຽງເຫນືອຫວຽດນາມ) ໄດ້ຈັດກອງປະຊຸມຍ້ອງຍໍສັນລະເສີນພະນັກງານ, ນັກຮົບດີເດັ່ນຂອງບັນດາປ້ອມປ້ອງກັນຊາຍແດນຢູ່ເຂດ ໄຕບັກ. ກ່າວຄຳເຫັນຊີ້ນຳກອງປະຊຸມ, ທ່ານຮອງນາຍົກລັດຖະມົນຕີ ຫງວຽນຊວນຟຸກ, ຫົວຫນ້າຄະນະຊີ້ນຳເຂດໄຕບັກ ໄດ້ເນັ້ນຫນັກເຖິງຄວາມສຳຄັນຂອງວຽກງານປ້ອງກັນຊາຍແດນ ພ້ອມທັງຍ້ອງຍໍສັນລະເສີນການປະກອບສ່ວນອັນໃຫຍ່ຫລວງຂອງພະນັກງານ, ນັກຮົບບັນດາປ້ອມປ້ອງກັນຊາຍແດນເຂດໄຕບັກ ເວົ້າສະເພາະ ແລະ ກຳລັງປ້ອງກັນຊາຍແດນທົ່ວປະເທດເວົ້າລວມ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເຫນີ ພະນັກງານ, ນັກຮົບປ້ອງກັນຊາຍແດນເຂດໄຕບັກ ສືບຕໍ່ສຳເລັດຫນ້າທີ່ທີ່ໄດ້ຮັບການມອບໝາຍຢ່າງດີເດັ່ນ, ປົກປັກຮັກສາເຂດຊາຍແດນຢ່າງໝັ້ນຄົງ, ຮັບປະກັນຄວາມສະຫງົບປອດໄພ, ຄວາມເປັນລະບຽບຮຽບຮ້ອຍທາງສັງຄົມ.