ທ່ານເລຂາຄະນະພັກນະຄອນ ຮ່າໂນ້ຍ ຟ້າມກວາງງິ້
ຊາບຊືມມະຕິສູນກາງທີ 4 (ພາບ: cpv.org.vn)
|
(vovworld) - ຕອນເຊົ້າວັນທີ 20/3, ຄະນະພັກນະຄອນ ຮ່າໂນ້ຍ ໄດ້ຈັດຕັ້ງກອງປະຊຸມຊາບຊືມມະຕິທີ 4 ຂອງຄະນະບໍລິຫານງານສູນກາງພັກຊຸດທີ 11 ”ບາງບັນຫາອັນຮີບດ່ວນກ່ຽວກັບການກໍ່ສ້າງພັກໃນປະຈຸບັນ”. ກ່າວຄວາມເຫັນທີ່ກອງປະຊຸມ, ທ່ານເລຂາຄະນະພັກນະຄອນ ຮ່າໂນ້ຍ ຟ້າມ ກວາງງິ້ ຊີ້ແຈ້ງວ່າ: ເລື່ອງແນະນຳ, ໂຄສະນາບັນດາເນື້ອໃນມະຕິທີ 4 ຂອງຄະນະບໍລິຫານງານສູນກາງພັກຊຸດທີ 11 ໃນຖັນແຖວພະນັກງານຫຼັກແຫຼ່ງຂອງນະຄອນຫຼວງຈະປະກອບສ່ວນສ້າງຄວາມເຫັນດີເປັນເອກະພາບສູງກ່ຽວກັບເຈດຈຳນົງ ແລະ ການກະທຳ, ຍົກສູງຈິດໃຈທີ່ເປັນແບບຢ່າງ, ມີສະຕິຕື່ນຕົວຂອງພະນັກງານແຕ່ລະຄົນໃນການປະຕິບັດໜ້າທີ່ການເມືອງຢູ່ຫົວໜ່ວຍ.
”ເລື່ອງຮຳ່ຮຽນ, ຊາບຊືມ ແລະ ຜັນຂະຫຍາຍມິຕິຂອງສູນກາງຄັ້ງນີ້, ແມ່ນການດຳເນີນຊີວິດດ້ານການເມືອງສຳຄັນທີ່ສຸດ, ເພື່ອແນໃສ່ຍົກສູງລັກສະນະປະຈັນບານ, ເປັນແບບຢ່າງ, ຈິດໃຈຕັ້ງໜ້າ, ເປັນເຈົ້າການ, ມີຫົວຄິດປະດິດສ້າງ ເພື່ອສະກັດກັ້ນ, ຍູ້ສະພາບຊຸດໂຊມດ້ານແນວຄິດການເມືອງ, ຄຸນສົມບັດ, ແບບແຜນດຳລົງຊີວິດໃນໝູ່ພະນັກງານສະມາຊິກພັກທຸກຂັ້ນພາກສ່ວນໜຶ່ງ, ສ້າງການຫັນປ່ຽນຢ່າງເຫັນໄດ້ຊັດໃນວຽກງານກໍ່ສ້າງ, ປັບປຸງພັກ, ກໍ່ສ້າງອົງຄະນະພັກນະຄອນໃຫ້ປອດໄສ, ໝັ້ນຄົງເຂັ້ມແຂງ, ປັບປຸງຄວາມເຊື່ອໝັ້ນຂອງປະຊາຊົນທີ່ມີຕໍ່ພັກ, ຍູ້ແຮງການພັດທະນາເສດຖະກິດສັງຄົມ, ຮັບປະກັນປ້ອງກັນຊາດ, ປ້ອງກັນຄວາມສະຫງົບຂອງນະຄອນຫຼວງ”.
ໃນວັນດຽວກັນ, ຄະນະພັກນະຄອນ ໂຮ່ຈີມິນ ກໍ່ຈັດຕັ້ງກອງປະຊຸມພະນັກງານຊາບຊືມ, ຜັນຂະຫຍາຍມະຕິທີ 4 ຂອງຄະນະບໍລິຫານງານສູນກາງພັກຊຸດທີ 11ເຊັ່ນດຽວກັນ.