ທ່ານນາງ ດັ້ງທິງອັກທິ້ງຮອງປະທານປະເທດໃຫ້ການຕ້ອນຮັບທ່ານ Umeda Kunio ເອກອັກຄະລັດຖະທູດຍີ່ປຸ່ນປະຈຳຫວຽດນາມ
(VOVWORLD) -ໃນຕອນບ່າຍວັນທີ 19 ມີນາ, ຢູ່ຮ່າໂນ້ຍ, ທີ່ການຕ້ອນຮັບທ່ານ Umeda Kunio ເອກອັກຄະລັດຖະທູດຍີ່ປຸ່ນປະຈຳຫວຽດນາມ,ທ່ານນາງດັ້ງທິງອັກທິ້ງຮອງປະທານປະເທດຫວຽດນາມໄດ້ສະແດງຄວາມຊົມເຊີຍທ່ານUmeda Kunioທີ່ປະຕິບັດໜ້າທີ່ທາງການທູດຢູ່ຫວຽດນາມ ປະສົບຜົນສຳເລັດຢ່າງຈົບງາມ.
ທ່ານນາງດັ້ງທິງອັກທິ້ງຮອງປະທານປະເທດຫວຽດນາມໃຫ້ການຕ້ອນຮັບທ່ານ Umeda Kunio ເອກອັກຄະລັດຖະທູດຍີ່ປຸ່ນປະຈຳຫວຽດນາມ (ພາບ: TTXVN) |
ທ່ານນາງຮອງປະທານປະເທດໄດ້ຕີລາຄາສູງຕໍ່ເລື່ອງທ່ານUmeda Kunioໄດ້ຊຸກຍູ້ການຮ່ວມມືດ້ານເສດຖະກິດ, ໃນນັ້ນໄດ້ສົ່ງເສີມບັນດາວິສາຫະກິດຍີ່ປຸ່ນມາລົງທຶນ, ດຳເນີນທຸລະກິດຢູ່ຫວຽດນາມ, ຊຸກຍູ້ບັນດາໂຄງການ, ລາຍການໜູນຊ່ວຍຫວຽດນາມໃນການສ້າງລັດຖະບານເອເລັກໂຕນິກ, ປັບປຸງສະພາບແວດລ້ອມແຫ່ງການລົງທຶນ, ຮັບມືກັບການປ່ຽນແປງຂອງດິນຟ້າອາກາດ, ປ້ອງກັນ, ຕ້ານໄພທຳມະຊາດແລະແກ້ໄຂຜົນຮ້າຍຢ້ອນຫຼັງຈາກສົງຄາມ…ດ້ວຍການພົວພັນຮ່ວມມືອັນດີງາມແລະຄວາມໄວ້ເນື້ອເຊື່ອໃຈດ້ານການເມືອງລະຫວ່າງສອງປະເທດ, ທ່ານນາງດັ້ງທິງອັກທິ້ງມີຄວາມປາດຖະໜາວ່າທ່ານເອກອັກຄະລັດຖະທູດເຖິງວ່າຢູ່ໃນຖານະຕຳແໜ່ງໃດກໍ່ຕາມທ່ານກໍ່ຈະສືບຕໍ່ປະກອບສ່ວນເຂົ້າໃນການເພີ່ມທະວີການພົວພັນມິດຕະພາບແລະການຮ່ວມມືລະຫວ່າງສອງປະເທດຫວຽດນາມ - ຍີ່ປຸ່ນ
ສ່ວນທ່ານUmeda Kunioໄດ້ຢັ້ງຢືນວ່າທ່ານຈະພະຍາຍາມຈົນສຸດຄວາມສາມາດຂອງຕົນເພື່ອສ້າງແລະພັດທະນາການພົວພັນຄູ່ຮ່ວມມືຍຸດທະສາດທີ່ເລິກເຊິ່ງກ້ວາງຂວາງລະຫ່ວາງສອງປະເທດ.