ທ່ານ ນາຍົກລັດຖະມົນຕີ ກຳປູເຈຍ Samdech Hun Sen (ພາບ: khmertimeskh)

        ຕອນຄ່ຳວັນທີ 6 ມິຖຸນາ, ທ່ານ ນາຍົກລັດຖະມົນຕີ ກຳປູເຈຍ Samdech Hun Sen  ໄດ້ສົ່ງສານສະບັບໜຶ່ງຜ່ານທາງ ສື່ສັງຄົມເຟດບຸກ ເຖິງທ່ານ ນາຍົກລັດຖະມົນຕີ ສິງກະໂປ ຫຼີຊຽນຫຼົງ, ຕຳໜິຕິຕຽນບັນດາຄຳກ່າວປາໄສຂອງທ່ານນາຍົກລັດຖະມົນຕີ ສິງກະໂປກ່ຽວກັບ ຫວຽດນາມ ແລະ ກຳປູເຈຍ; ພ້ອມທັງຖືວ່າ ບັນດາການນຳຂອງປະເທດນີ້ໄດ້ປະກອບສ່ວນຫຼາຍພໍສົມຄວນເຂົ້າໃນເລື່ອງເຂັນຂ້າປະຊາຊົນກຳປູເຈຍ, ສະໜັບສະໜູນລະບອບດັບສູນເຊື້ອຊາດ ແລະ ມີຄວາມຫວັງຢາກໃຫ້ລະບອບນີ້ກັບຄືນສູ່ Phnom Penh. ບັນດາຄຳຕຳໜິຕິຕຽນອັນໜັກໜ່ວງຂອງທ່ານນາຍົກລັດຖະມົນຕີ Hun Sen ໄດ້ຍົກອອກມາພາຍຫຼັງທີ່ທ່ານ ນາຍົກລັດຖະມົນຕີ ສິງກະໂປມີຄຳກ່າວປາໄສທີ່ຜິດພາດຢູ່ກອງປະຊຸມສຸດຍອດຄວາມໝັ້ນຄົງ ອາຊີ ແລະ ໄດ້ເອົາລົງໃນເຟດບຸກສ່ວນຕົວເມື່ອອາທິດຜ່ານມາວ່າການແຊກແຊງທາງທະຫານຂອງ ກອງທັບ ຫວຽດນາມເຂົ້າກຳປູເຈຍໃນປີ 1979 ແມ່ນ ການຮຸກຮານ.ໃນຕອນທ້າຍຂອງສານສະບັບດັ່ງກ່າວ, ທ່ານ ນາຍົກລັດຖະມົນຕີ Hun Sen  ໄດ້ຕັ້ງຄຳຖາມວ່າ “ສະນັ້ນສຸດທ້າຍນີ້, ຂ້າພະເຈົ້າຢາກຖາມທ່ານ ນາຍົກລັດຖະມົນຕີ ຫຼີຊຽນຫຼົງວ່າ: ຄັນຊັ້ນທ່ານກໍ່ຖືວ່າວາລະປະຊຸມສານພິພາກສາໂທດກຳຂອງບັນດາການນຳພວກ ຂະແມແດງ ແມ່ນຖືກຕ້ອງຫຼືບໍ່”