ທ່ານນາຍົກລັດຖະມົນຕີ ຫງວຽນຊວັນຟຸກ ໂອ້ລົມໂທລະສັບກັບການນຳກຸ່ມບໍລິສັດນ້ຳມັນ ອາຍແກັດ Exxon Mobil
(VOVWORLD) -ຕາມການສະເໜີຂອງກຸ່ມບໍລິສັດ ນ້ຳມັນ - ອາຍແກັດ Exxon Mobil ຢາກຍາດແຍ່ງກາລະໂອກາດ ເພື່ອຕັດສິນໃຈມາລົງທຶນຢູ່ຫວຽດນາມໂດຍໄວ, ຕອນຄ່ຳວັນທີ 11 ມິຖຸນາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ມີການແລກປ່ຽນຜ່ານໂທລະສັບກັບ ທ່ານ Irtiza Sayyed, ປະທານທົ່ວໂລກຂອງກຸ່ມບໍລິສັດ Exxon Mobil ກ່ຽວກັບຂົງເຂດອາຍແກັດທຳມະຊາດ.
 ທ່ານນາຍົກລັດຖະມົນຕີ ຫງວຽນຊວັນຟຸກ ໂອ້ລົມໂທລະສັບກັບການນຳກຸ່ມບໍລິສັດນ້ຳມັນ ອາຍແກັດ Exxon Mobil (ພາບ: VGP) |
ທ່ານ ຫງວຽນຊວັນຟຸກ ເນັ້ນໜັກວ່າ ຫວຽດນາມແມ່ນໜຶ່ງໃນບັນດາປະເທດຄວບຄຸມ ໂລກລະບາດ Covid – 19 ໄດ້ໂດຍໄວ ແລະ ພວມຍາດແຍ່ງກາລະໂອກາດນີ້ ເພື່ອບືນຕົວຂຶ້ນໃນການພັດທະນາ. ໃນວິວັດການນີ້, ຫວຽດນາມຕ້ອງຕອບສະໜອງຄວາມຕ້ອງການອັນຍິ່ງໃຫຍ່ກ່ຽວກັບພະລັງງານໄຟຟ້າ. ດັ່ງນັ້ນ, ລັດຖະບານ ຫວຽດນາມ ໄດ້ສະແດງຄວາມຊົມເຊີຍຕໍ່ ເລື່ອງ ກຸ່ມບໍລິສັດ Exxon Mobil ມາລົງທຶນເຂົ້າລະບົບທ່າກ່ຳປັ່ນ, ສາງອາຍແກັດ (LNG) ແລະ ບັນດາໂຮງງານຜະລິດໄຟຟ້າຈາກ LNG ດ້ວຍເຕັກໂນໂລຢີທີ່ທັນສະໄໝທີ່ສຸດຢູ່ ຫ໋າຍຟ່ອງ.
ສ່ວນທ່ານ Irtiza Sayyed ໄດ້ຕີລາຄາສູງຕໍ່ ເລື່ອງຫວຽດນາມຄວບຄຸມໄດ້ໂລກລະບາດ Covid – 19 ດ້ວຍບັນດາມາດຕະການທີ່ມີປະສິດທິຜົນ ແລະ ໄດ້ຮັບການຕີລາຄາສູງຈາກທົ່ວໂລກ. ຜົນສຳເລັດນີ້ຈະສ້າງສະພາບແວດລ້ອມແຫ່ງການລົງທຶນທີ່ມີຄວາມປອດໄພ ແລະ ຄວາມໄວ້້ເນືຶ້ອເຊືຶ່ອໃຈໃຫ້ແກ່ນັກລົງທຶນ ແລະ ການຄ້າສາກົນຢູ່ຫວຽດນາມ.