ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ມີການເຮັດວຽກກັບການນຳແຂວງ ເບນແຈ . (ພາບ:VOV)

ທ່ານນາຍົກລັດຖະມົນຕີ ຟ້າມມິງຈິງ ຊີ້ແຈ້ງ: ແຂວງ ເບນແຈ ແມ່ນທ້ອງຖິ່ນ ມີທ່າແຮງກ່ຽວກັບການພັດທະນາເສດຖະກິດທະເລ, ການທ່ອງທ່ຽວ ວັດທະນະທຳ ປະຫວັດສາດ -ຊີວະພາບ, ສະນັ້ນ ຕ້ອງເອົາໃຈໃສ່ພັດທະນາຢ່າງກົມກຽວລະຫວ່າງ ເສດຖະກິດ, ວັດທະນະທຳ - ສັງຄົມ ແລະ ການປົກປັກຮັກສາສິ່ງແວດລ້ອມຊີວະພາບ ຕິດພັນກັບການຮັບປະກັນການປ້ອງກັນຊາດ ປ້ອງກັນຄວາມສະຫງົບ. ທ່ານນາຍົກລັດຖະມົນຕີ ສະເຫນີ ໃຫ້ແຂວງເບນແຈ ສຸມໃສ່ປະຕິບັດວຽກງານສ້າງກົນໄກ, ນະໂຍບາຍເປີດຊ່ອງທາງໃຫ້ແກ່ການພັດທະນາ; ຄວນເສີມຂະຫຍາຍທ່າໄດ້ປຽບ, ພັດທະນາເສດຖະກິດທະເລ; ວາງແຜນຜັງດ້ວຍຈິດໃຈຖືນີ້ແມ່ນຫນ້າທີ່ຈຸດສຸມ, ຕ້ອງໄປກ່ອນບາດກ້າວຫນຶ່ງ, ມີວິໄສທັດຍາວໄກ, ມີຍຸດທະສາດ, ສ້າງແຜນຜັງຂອງແຂວງໂດຍໄວ. ພ້ອມກັນນັ້ນ ສືບຕໍ່ຍູ້ແຮງການປະຕິຮູບລະບຽບການບໍລິຫານ, ປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ,ຍົກສູງກຳລັງແກ້ງແຍ່ງບົນພື້ນຖານຫັນເປັນດິຈີຕອນ, ຍົກສູງຄຸນນະພາບການບໍລິຫານສາທາລະນະທາງເອເລັກໂຕນິກ, ຫນູນຊ່ວຍ Stardup, ປ່ຽນໃຫ່ມປະດິດຄິດສ້າງ.