ທ່ານປະທານາທິບໍດີ ຝລັ່ງ Emmanuel Macron

ໃນການປະຊຸມຂອງຄະນະລັດຖະບານເມື່ອວັນທີ 5 ທັນວາ, ທ່ານປະທານາທິບໍດີ ຝລັ່ງ Emmanuel Macron ໄດ້ຮຽກຮ້ອງສະເໜີໃຫ້ຝ່າຍຄ້ານ “ຮຽກຮ້ອງໃຫ້ປະຊາຊົນບໍ່ຄວນຮ້ອນຮົນ”. ຄຳຮຽກຮ້ອງດັ່ງກ່າວໂດຍທ່ານນາຍົກລັດຖະມົນຕີ Edouard Philippe ເນັ້ນໜັກໃນບົດກ່າວປາໄສຕໍ່ສະພາຕ່ຳ.

        ເພື່ອແນໃສ່ສະກັດກັ້ນກະແສການໃຊ້ຄວາມຮຸນແຮງຄັ້ງໃຫມ່, ທ່ານປະທານາທິບໍດີ Macron ໄດ້ຮຽກຮ້ອງໃຫ້ມີ “ຄວາມຮັບຜິດຊອບ” ຈາກຝ່າຍຄ້ານ. ທ່ານປະທານາທິບໍດີ ໄດ້ເນັ້ນໜັກວ່າ: ບາງເປົ້າໝາຍພວມເດີນຕາມຄາດໝາຍໜຶ່ງດຽວແມ່ນບຸກໂຈມຕີພື້ນຖານສາທາລະນະລັດ. ທ່ານ ກໍ່ກ່າວຫາ “ຄວາມມິດງຽບສົມຮູ້ຮ່ວມຄິດ ແລະ ສວຍໃຊ້ໂອກາດ” ຂອງບັນດາຜູ້ສະໜັບສະໜູນການກະທຳມ້າງແພທຳລາຍພື້ນຖານສາທາລະນະລັດນີ້, ເຊິ່ງຕາມທ່ານແລ້ວ ມັນໄດ້ປະກົດຕົວນັບມື້ນັບຫຼາຍໃນບັນດາພາຫະນະສື່ມວນຊົນ.