ທ່ານເລຂາທິການໃຫຍ່ ຫງວຽນຟູ້ຈ້ອງ ຕ້ອນຮັບບັນດາຜູ້ແທນແມ່ຍິງກອງທັບທີ່ດີເດັ່ນ
ທ່ານເລຂາທິການໃຫຍ່ ຫງວຽນຟູ້ຈ້ອງ ໂອ້ລົມກັບບັນດາຜູ້ແທນແມ່ຍິງກອງທັບທີ່ດີເດັ່ນເຂົ້າຮ່ວມກອງປະຊຸມໃຫຍ່ຜູ້ແທນແມ່ຍິງກອງທັບຄັ້ງທີ 6 |
(vovworld)- ໃນການຕ້ອນຮັບບັນດາຜູ້ແທນແມ່ຍິງກອງທັບທີ່ດີເດັ່ນທົ່ວກອງທັບມາຮ່ວມກອງປະຊຸມໃຫຍ່ຜູ້ແທນແມ່ຍິງກອງທັບຄັ້ງທີ 6 ຊຶ່ງດຳເນີນໃນຕອນບ່າຍວັນທີ 7/12 ຢູ່ຮ່າໂນ້ຍ, ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ໄດ້ຍ້ອງຍໍຊົມເຊີຍບັນດາຜົນງານຊຶ່ງແມ່ຍິງກອງທັບຍາດມາໄດ້ໃນໄລຍະທີ່ຜ່ານມາ. ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ເນັ້ນໜັກວ່າ ແມ່ຍິງກອງທັບທັງເອົາໃຈໃສ່ວຽກງານຂອງລັດ, ທັງຮັບຜິດຊອບວຽກບ້ານການເຮືອນ, ບັນດາວຽກງານທີ່ແມ່ຍິງກອງທັບບັນລຸໄດ້ ສືບຕໍ່ເສີມຂະຫຍາຍມູນເຊື້ອອັນດີງາມຂອງແມ່ຍິງຫວຽດນາມ. ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ເຊື່ອໝັ້ນວ່າ ແມ່ຍິງກອງທັບເສີມຂະຫຍາຍມູນເຊື້ອອັນດີງາມ, ເຮັດຫຼ້ອນໜ້າທີ່ໄດ້ຮັບມອບໝາຍເປັນຢ່າງດີ,ອວຍພອນ ກອງປະຊຸມໃຫຍ່ຜູ້ແທນແມ່ຍິງກອງທັບຄັ້ງທີ 6 ປະສົບຜົນສຳເລັດຢ່າງຈົບງາມ.