ນິວຊີແລນ ແມ່ນຄູ່ຮ່ວມມືໄວ້ເນື້ອເຊື່ອໃຈຂອງ ຫວຽດນາມ
ທ່ານ Jerry Mateparae, ຜູ້ມີອຳນາດເຕັມແຫ່ງນິວຢີແລນ
(ພາບ: Thanh Vũ/TTXVN)
(vovworld) – ນິວຊີແລນ ເອກອ້າງທະນົງໃຈທີ່ໄດ້ກາຍເປັນຄູ່ຮ່ວມມືໄວ້ເນື້ອເຊື່ອໃຈຂອງ ຫວຽດນາມ ໃນຫຼາຍຂົງເຂດເຊິ່ງຕ່າງຝ່າຍຕ່າງມີທ່າແຮງ, ພິເສດແມ່ນຂົງເຂດທັນຍາຫານ ແລະ ເຄື່ອງດື່ມ, ເຄື່ອງປ່າຂອງດົງ, ກໍ່ສ້າງ, ການບິນ ແລະ ການສຶກສາ. ທ່ານ Jerry Mateparae, ຜູ້ມີອຳນາດເຕັມແຫ່ງນິວຢີແລນ, ຢືນຢັນຄືແນວນັ້ນທີ່ການພົບປະກັບການນຳນະຄອນ ໂຮ່ຈີມິນ, ບັນດາແຂວງພາກໃຕ້ ແລະ ກ່ວາ 100 ເຈົ້າໜ້າທີ່, ວິສາຫະກິດ ຫວຽດນາມ ແລະ ນິວຢີແລນ ໃນຕອນຄຳ່ວັນທີ 7/8, ຢູ່ນະຄອນ ໂຮ່ຈີມິນ. ກ່າວຄຳເຫັນທີ່ການພົບປະ, ຜູ້ມີອຳນາດເຕັມແຫ່ງນິວຢີແລນ ໄດ້ຮັບຮູ້ການເຕີບໂຕຢ່າງແຮງໃນການພົວພັນດ້ານການຄ້າລະຫວ່າງ ນິວຊີແລນ ແລະ ຫວຽດນາມ ໃນໄລຍະມໍ່ໆມານີ້ ແລະ ຄວາມສາມາດບົ່ມຊ້ອນອາດຈະພັດທະນາຢ່າງແຮງກ່ວາອີກ. ບັນດາໝາກຜົນທີ່ບັນລຸໄດ້ນັ້ນໄດ້ນຳມາເຊິ່ງຄວາມເຊື່ອໝັ້ນໃນການພົວພັນຮ່ວມມືພວມພັດທະນາອັນດີງາມໃນຫຼາຍຂົງເຂດລະຫວ່າງ 2 ປະເທດ. ສຳລັບນະຄອນ ໂຮ່ຈີມິນ, ຜູ້ມີອຳນາດເຕັມ Jerry Mateparae ຖືວ່າ: ນະຄອນແມ່ນສະຖານທີ່ດຶງອັນດູດບັນດາວິສາຫະກິດ ນິວຊີແລນ ເຂົ້າມາລົງທຶນ ແລະ ຮ່ວມມື.