ການສົ່ງອອກເຄື່ອງຕຳ່ແຜ່ນຕັດຫຍີບປີ 2013 ບັນລຸກວ່າ 20 ຕື້ USD
photo:vinatex.com
|
(vovworld)- ຕາມກະຊວງອຸດສາຫະກຳແລະການຄ້າຫວຽດນາມ ແລ້ວ, ວົງເງິນສົ່ງອອກຂອງຫວຽດນາມ ໃນປີ 2013 ບັນລຸກວ່າ 130 ຕື້ USD, ເພີ່ມຂຶ້ນປະມານ 15% ເມື່ອທຽບໃສ່ປີ 2012, ລື່ນກາຍຕົວເລກຄາດໝາຍຊື່ງສະພາແຫ່ງຊາດໄດ້ວາງອອກ. ໃນນັ້ນ ການສົ່ງອອກເຄື່ອງຕຳ່ແຜ່ນຕັດຫຍີບປີ 2013 ບັນລຸກວ່າ 20 ຕື້ USD, ເພີ່ມຂຶ້ນ 18% ເມື່ອທຽບໃສ່ປີ 2012 ລື່ນກາຍກວ່າ 1 ຕື້ USD, ນຳເຄື່ອງຕຳ່ແຜ່ນຕັດຫຍີບຫວຽດນາມ ສືບຕໍ່ຢືນອັນດັບຫນຶ່ງໃນຈຳນວນບັນດາຂະແຫນງສົ່ງອອກຕົ້ນຕໍ. ຂະແຫນງຕຳ່ແຜ່ນຕັດຫຍີບກໍຮັກສາການເຕີບໂຕສົ່ງອອກໃຫຍ່ຢູ່ຫລາຍຕະຫລາດທີ່ເປັນຈຸດສຸມຄື: ອາເມລິກາ, ອີຢູ, ຍີ່ປຸ່ນ, ສເກົາຫລີ, ອາຊຽນ. ການເຕີບໂຕຂອງຂະແຫນງຕຳ່ແຜ່ນຕັດຫຍິບປີ 2013 ມີການປະກອບສ່ວນອັນໃຫຍ່ຫລວງຂອງບັນດາວິສາຫະກິດໃນການເປີດກວ້າງການລົງທຶນ, ປະກອບສ່ວນເພີ່ມຂອບຂະຫນາດການຜະລິດຂອງທົ່ວຂະແຫນງ. ທ່ານນາງ ຫງວຽນທິແທງຮ່ວຽນ, ຜູ້ອຳນວຍການບໍລິສັດໃຫຍ່ຕັດຫຍີບ 10 ແບ່ງປັນວ່າ:
“ຜະລິດຕະພັນຕັດຫຍີບ 10 ໄດ້ຮັບການຜະລິດຢ່າງມີຄຸນນະພາບ, ຮັບປະກັນເວລາມອບສິນຄ້າ, ຕອບສະຫນອງຄວາມຕ້ອງການຂອງລູກຄ້າ. ສະມັດຕະພາບໃນປີ 2014, ພວກຂ້າພະເຈົ້າວາງຈຸດໝາຍແຕ່ລະຄົນງານສູ້ຊົນເພີ່ມຂຶ້ນ 10-15%, ເພີ່ມທະວີບັນດາຮູບການສົ່ງອອກ, ອອກແບບບັນດາຜະລິດຕະພັນ”
ໃນຂະນະນັ້ນ, ປີ 2013 ຍອດວົງເງິນສົ່ງອອກບັນດາຜະລິດຕະພັນກະເສດ, ເຄື່ອງປ່າຂອງດົງ ແລະ ສິນໃນນຳ້ ບັນລຸເກືອບ 27,5 ຕື້ USD, ເພີ່ມຂຶ້ນ 0,7% ເມື່ອທຽບໃສ່ປີກາຍ.