ປະທານປະເທດ ເຈືອງເຕີ້ນຊາງ ຕ້ອນຮັບເອກອັກຄະລັດຖະທູດ ເກຼັກ ປະຈຳຫວຽດນາມເຂົ້າອຳລາ
(vovworld)- ຕອນບ່າຍວັນທີ 13/11, ຢູ່ຮ່າໂນ້ຍ, ທ່ານປະທານປະເທດຫວຽດນາມ ເຈືອງເຕີ້ນຊາງ ໄດ້ໃຫ້ການຕ້ອນຮັບທ່ານນາງ Rose Ieremia ເອກອັກຄະລັດຖະທູດ ເກຼັກ ປະຈຳຫວຽດນາມເຂົ້າອຳລາເນື່ອງໃນໂອກາດສິ້ນສຸດອາຍຸການເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານປະທານປະເທດຫວຽດນາມ ເຈືອງເຕີ້ນຊາງ ໄດ້ຕີລາຄາສູງການປະກອບສ່ວນຂອງ ທ່ານນາງ Rose Ieremia ເອກອັກຄະລັດຖະທູດ ເກຼັກ ປະຈຳຫວຽດນາມເຂົ້າໃນການຊຸກຍູ້ສາຍພົວພັນຮ່ວມມືມິດຕະພາບລະຫວ່າງ 2 ປະເທດໃນໄລຍະທີ່ຜ່ານມາ. ທ່ານປະທານປະເທດຫວຽດນາມ ເຈືອງເຕີ້ນຊາງ ເນັ້ນໜັກວ່າ ຫວຽດນາມຖືເປັນສຳຄັນທີ່ສຸດການຊຸກຍູ້ການພົວພັນຮ່ວມມືກັບເກຼັກ, ໂດຍສະເພາະແມ່ນໃນຂົງເຂດເສດຖະກິດ, ການຄ້າ, ການລົງທຶນ ແລະ ຮ່ວມມືອະນຸລັກມໍລະດົກວັດທະນະທຳ. ທ່ານປະທານປະເທດຫວຽດນາມ ເຈືອງເຕີ້ນຊາງ ສະເໜີໃນໄລຍະທີ່ຈະມາເຖິງ, 2 ຝ່າຍຄວນຍູ້ແຮງການແລກປ່ຽນຄະນະຜູ້ແທນຂັ້ນຕ່າງໆ ແລະ ຮ່ວມມືຢ່າງແໜ້ນແຟ້ນບົນເວທີ່ປາໄສພາກພື້ນ ແລະ ສາກົນເພື່ອການພັດທະນາຂອງແຕ່ລະປະເທດ ແລະ ພາກພື້ນ.