(vovworld) - ຄະນະຜູ້ແທນການນຳວິທະຍຸກະຈາຍສຽງຫວຽດນາມ (VOV) ໂດຍທ່ານ Nguyen Dang Tien, ຜູ້ອຳນວຍການໃຫຍ່ ນຳໜ້າໄດ້ສິ້ນສຸດການຢ້ຽມຢາມ ແລະ ເຮັດວຽກຢູ່ລາວ ແຕ່ວັນທີ 25 – 27/9. ການຢ້ຽມຢາມຄັ້ງນີ້ເພື່ອແນໃສ່ເພີ່ມທະວີການຮ່ວມມືກ່ຽວກັບຂົງເຂດສື່ມວນຊົນລະຫວ່າງສອງປະເທດ. ວັນທີ 27/9, ຄະນະຜູ້ແທນໄດ້ມີການເຮັດວຽກກັບທ່ານ ບໍ່ແສງຄຳ ວົງດາລາ, ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວລາວ. ທ່ານລັດຖະມົນຕີ ບໍ່ແສງຄຳ ວົງດາລາ ໄດ້ຖືວ່າ ວິທະຍຸກະຈາຍສຽງຫວຽດນາມ ດ້ວຍສື່ຫຼາຍປະເພດ ພ້ອມກັບເນື້ອທີ່ອຸດົມສົມບຸນ ໄດ້ເຮັດໃຫ້ວິທະຍຸກະຈາຍສຽງຫວຽດນາມ ກ່າຍເປັນອົງການສື່ມວນຊົນໃຫຍ່ ແລະ ມີຊື່ສຽງ. ທ່ານລັດຖະມົນຕີກໍສະແດງຄວາມຫວັງວ່າ ວິທະຍຸກະຈາຍສຽງຫວຽດນາມສືບຕໍ່ສົມທົບກັບວິທະຍຸກະຈາຍສຽງແຫ່ງຊາດລາວ ຢ່າງແໜ້ນແຟ້ນກວ່າອີກ. ທ່ານ Nguyen Dang Tien, ຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ໄດ້ຢືນຢັນວ່າ ດ້ວຍພົວພັນຮ່ວມມືທີ່ເປັນມູນເຊື້ອ ລະຫວ່າງວິທະຍຸກະຈາຍສຽງສອງປະເທດ, ວິທະຍຸກະຈາຍສຽງຫວຽດນາມ ຈະສືບຕໍ່ມານະພະຍາຍາມສົນທົບກັບວິທະຍຸກະຈາຍສຽງແຫ່ງຊາດລາວ ໃນທຸກຂົງເຂດຢ່າງແໜ້ນແຟ້ນກວ່າອີກ.