(vovworld) - ວັນທີ 13/5, ຢູ່ ຮ່າໂນ້ຍ, ສະມາຄົມນັກປະພັນວັນນະຄະດີ ຫວຽດນາມ ໄດ້ຈັດຕັ້ງພິທີມອບລາງວັນໃຫ້ບັນດາບົດຂຽນທີ່ດີເດັ່ນ ຕອບສະໜອງບັ້ນຂົນຂວາຍປະດິດຄິດແຕ່ງ, ໂຄສະນາເຜີຍແຜ່ບັນດາບົດປະພັນວັນນະຄະດີສິລະປະ, ບົດໜັງສືພິມທີ່ມີຫົວຂໍ້ “ຮຳ່ຮຽນ, ປະຕິບັດຕາມແບບຢ່າງຄຸນສົມບັດປະທານໂຮ່ຈີມິນ”. ນັກກະວີ ຫິ້ວຖິງ, ປະທານສະມາຄົມນັກປະພັນວັນນະຄະດີ ຫວຽດນາມ ໃຫ້ຮູ້ວ່າ: ບັ້ນຂົນຂວາຍປະດິດຄິດແຕ່ງ, ໂຄສະນາເຜີຍແຜ່ບົດປະພັນວັນນະຄະດີສິລະປະ, ບົດໜັງສືພິມຂຽນກ່ຽວກັບຫົວຂໍ້ “ຮຳ່ຮຽນ, ປະຕິບັດຕາມແບບຢ່າງຄຸນສົມບັດປະທານໂຮ່ຈີມິນ” ຄັ້ງທີ 3 ໄດ້ຮັບການປຸກລະດົມດ້ວຍຄວາມຮຽກຮ້ອງຕ້ອງການຢ່າງສູງກ່ວາ, ໃໝ່ອຽມກ່ວາ ແລະ ເລິກເຊິ່ງກ້ວາງຂວາງກວ່າ 2 ຄັ້ງກ່ອນ. ພ້ອມກັບບັນດາລາງວັນລະດັບຊາດ, ຄະນະຊີ້ນຳບັ້ນຂົນຂວາຍຢູ່ຂັ້ນສູນກາງໄດ້ແບ່ງຂັ້ນໃຫ້ບັນດາຂະແໜງການ, ທ້ອງຖິ່ນທັງເຮັດໜ້າທີ່ໃຫ້ຄະແນນ, ທັງໄດ້ຍ້ອງຍໍຊົມເຊີຍບັນດາບົດປະພັນບັນລຸຄວາມຕ້ອງການຂອງຂັ້ນຕົນ. ເປັນຄັ້ງທຳອິດຈັດຕັ້ງການມອບລາງວັນໃຫ້ບັນດາບົດຂຽນທີ່ດີເດັ່ນ, ສະມາຄົມນັກປະພັນວັນນະຄະດີ ຫວຽດນາມ ໄດ້ເລືອກເຟັ້ນ 4 ໃນຈຳນວນ 40 ບົດປະພັນເພື່ອຍ້ອງຍໍຊົມເຊີຍ.