(vovworld) – ວັນທີ 24/9, ທ່ານປະທານາທິບໍດີ ຢູແກຼນ Petro Poroshenk ໄດ້ເຊັນດຳລັດ “ກ່ຽວກັບບັນດາມາດຕະການຮີບດ່ວນເພື່ອປົກປັກຮັກສາຢູແກຼນ ແລະ ປັບປຸງຄວາມສາມາດປ້ອງກັນປະເທດ”. ຕາມດຳລັດນີ້ແລ້ວ, ທິດທາງຕົ້ນຕໍ່ໃນຂົງເຂດປ້ອງກັນຊາດ ແລະ ປ້ອງກັນຄວາມສະຫງົບແມ່ນຮັບປະກັນຄວາມສາມາດກຽມພ້ອມຂອງບັນດາອົງການ, ພື້ນຖານເສດຖະກິດ ແລະ ສັງຄົມເພື່ອສະກັດກັ້ນການຮຸກຮານດ້ວຍກຳລັງປະກອບອາວຸດຕ້ານ ຢູແກຼນ. ຜົນປະໂຫຍດແຫ່ງຊາດບຸລິມະສິດຂອງຢູແກຼນ ແມ່ນສືບຕໍ່ພັດທະນາການພົວພັນຮ່ວມມືຍຸດທະສາດກັບ ອາເມລິກາ, ສະຫະພາບ ເອີລົບ (ອີຢູ) ແລະ ອົງການ ນາໂຕ. ດຳລັດສັ່ງໃຫ້: ແກ້ໄຂບັນຫາປິດປະຕູບັນດາດ່ານເຂົ້າເມືອງໃນເຂດຊາຍແດນແຫ່ງຊາດຂອງ ຢູແກຼນ ກັບ ລັດເຊຍ ສຳລັບຄົມມະນາຄົມທາງທະເລ, ທາງບົກໂດຍຊົ່ວຄາວ. ລັດຖະບານກໍ່ຕ້ອງນຳໃຊ້ບັນດາມາດຕະການປັກຫຼັກໝາຍຊາຍແດນແຫ່ງຊາດລະຫວ່າງ ຢູແກຼນ ກັບ ລັດເຊຍ ພຽງລຳພັງຝ່າຍດຽວ ກໍ່ຄືຍົກອອກບັນດາຂໍ້ສະເໜີກ່ຽວກັບການນຳໃຊ້ມາດຕະການເສດຖະກິດພິເສດ ແລະ ບັນດາມາດຕະການຈຳກັດອື່ນໆສຳລັບລັດເຊຍ.
ໃນສະພາບການທີ່ກ່ຽວຂ້ອງ, ທ່ານປະທານາທິບໍດີ ອາເມລິກາ Barack Obama ໄດ້ອອກຄຳສັ່ງສະໜອງໃຫ້ ຢູແກຼນ ບ້ວງເງິນໜູນຊ່ວຍດ້ານການທະຫານເພີ່ມເຕີມທີ່ມີມູນຄ່າ 5 ລ້ານ USD ເພື່ອແນໃສ່ສະໜັບສະໜູນບັນດາຄວາມມານະພະຍາຍາມຮັບມືກັບວິກິດການຢູ່ພາກຕາເວັນອອກ.