ທ່ານລັດຖະມົນຕີການຕ່າງປະເທດຫວຽດນາມ ຟ້າມບີ່ງມີງ
ພາບ: vov
|
(vovworld)- ວັນທີ 1/9, ໃນລາຍການ“ປະຊາຊົນຖາມ - ລັດຖະມົນຕີຕອບ”, ທ່ານລັດຖະມົນຕີການຕ່າງປະເທດຫວຽດນາມ ຟ້າມບີ່ງມີງ ສຸມໃສ່ຕອບຄຳຖາມກ່ຽວກັບ“ປະຊາຄົມ ອາຊຽນ” ແລະ ເລື່ອງສ້າງຕັ້ງປະຊາຄົມນີ້ຈະມີການກະທົບແນວໃດເຖິງປະຊາຊົນແຕ່ລະຄົນ ແລະ ວິສາຫະກິດພາຍໃນພາກພື້ນເວົ້າລວມ ກໍຄືຢູ່ຫວຽດນາມເວົ້າສະເພາະ. ຕາມທ່ານລັດຖະມົນຕີການຕ່າງປະເທດຫວຽດນາມ ຟ້າມບີ່ງມີງແລ້ວ, ປະຊາຄົມອາຊຽນໂດຍອີງໃສ່ 3 ເສົາຄ້ຳຄື: ການເມືອງ, ເສດຖະກິດ ແລະ ວັດທະນະທຳສັງຄົມ. ໃນປະຊາຄົມ: ການເມືອງ - ຄວາມໝັ້ນຄົງ, ເສດຖະກິດ ແລະ ວັດທະນະທຳ-ສັງຄົມ. ໃນປະຊາຄົມ ອາຊຽນ ເພີ່ມທະວີກ່ຽວກັບຄວາມໄວ້ເນື້ອເຊື່ອໃຈດ້ານການເມືອງ, ການພົວພັນມິດຕະພາບ ຈະໄດ້ຮັບປະກັນສະພາບແວດລ້ອມສັນຕິພາບ, ສະຖຽນລະພາບ ແລະ ປະຊາຊົນແຕ່ລະປະເທດລ້ວນແຕ່ເຫັນໄດ້ວ່າ ຕົນເອງດຳລົງຊີວິດໃນປະຊາຄົມທີ່ມີສາຍພົວພັນມິດຕະພາບລະຫວ່າງບັນດາປະເທດນຳກັນ, ບໍ່ພຽງແຕ່ບັນດາປະເທດໃນປະຊາຄົມອາຊຽນ ແລະ ລະຫວ່າງປະຊາຊົນອາຊຽນກັບບັນດາປະເທດພາຍນອກ. ກ່ຽວກັບເສດຖະກິດ ປະຊາຊົນກໍໄດ້ຮັບຜົນປະໂຫຍດຫລາຍຢ່າງ ຖ້າຫາກບັນລຸໄດ້ບັນດາຈຸດໝາຍເສດຖະກິດໃນອາຊຽນ. ພິເສດສຳລັບບັນດາວິສາຫະກິດ ຈະໄດ້ຮັບຜົນປະໂຫຍດຫລາຍຢ່າງກວ່າ ຍ້ອນມີບັນດາມາດຕະການຄື: ການຄ້າເສລີ, ການລົງທຶນສະດວກ, ນັບທັງ ມາດຕະການຮັບຮູ້ບັນດາຂົງເຂດກ່ຽວກັບມາດຖານ, ຄຸນນະພາບສິນຄ້າ.