ວິທະຍາສາດແລະເຕັກໂນໂລຢີແມ່ນປັດໃຈສຳຄັນໃຫ້ຫວຽດນາມພັດທະນາໄວ, ໝັ້ນຄົງ
(ທ່ານນາຍົກລັດຖະມົນຕີ ຫງວຽນເຕິ໋ນຢຸງ)
(vovworld) - ຕອນບ່າວວັນທີ 26/5, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕິ໋ນຢຸງ ໄດ້ມີການພົບປະກັບຜູ້ຕາງໜ້າບັນດາປັນຍາຊົນໃນສະຫະພັນບັນດາສະມາຄົມວິທະຍາສາດ ເຕັກນິກຫວຽດນາມ. ກ່າວຄວາມເຫັນຢູ່ທີນີ້, ທ່ານນາຍົກລັດຖະມົນຕີ ຫງວຽນເຕິ໋ນຢຸງ ເນັ້ນໜັກວ່າ: ວິທະຍາສາດແລະເຕັກໂນໂລຢີແມ່ນປັດໃຈສຳຄັນເພື່ອໃຫ້ຫວຽດນາມພັດທະນາຢ່າງໄວ ແລະ ໝັ້ນຄົງ, ຍົກສູງສະມັດຕະພາບແຮງງານ, ກຳລັງແກ່ງແຍ້ງຂອງພື້ນຖານເສດຖະກິດ ແລະ ຄວາມຮຽກຮ້ອງປົກປັກຮັກສາປະເທດຊາດໃນສະພາບການໃໝ່. ທ່ານນາຍົກລັດຖະມົນຕີສະເໜີໃຫ້ສະຫະພັນບັນດາສະມາຄົມວິທະຍາສາດ ເຕັກນິກຫວຽດນາມ ສືບຕໍ່ປັບປຸງການກໍ່ສ້າງລະບົບ, ເຕົ້າໂຮມຄວາມສາມັກຄີ, ສົ່ງເສີມ ແລະ ພັດທະນາພູມປັນຍາ, ຫົວຄິດປະດິດສ້າງຂອງສະມາຊິກສະມາຄົມ ແລະ ຖັນແຖວປັນຍາຊົນຢູ່ພາຍໃນ ແລະ ຕ່າງປະເທດເຂົ້າໃນພາລະກິດກໍ່ສ້າງ ແລະ ປົກປັກຮັກສາປະເທດຊາດ. ທ່ານນາຍົກລັດຖະມົນຕີ ຫງວຽນເຕິ໋ນຢຸງ ຢືນຢັນວ່າ: ລັດຖະບານເອົາໃຈໃສ່ເປັນພິເສດ ແລະ ສ້າງທຸກເງື່ອນໄຂສະດວກ ເພື່ອໃຫ້ບັນດານັກວິທະຍາສາດ, ຖັນແຖວປັນຍາຊົນ ແລະ ສະມາຄົມວິທະຍາສາດ ເຕັກນິກຫວຽດນາມ ສືບຕໍ່ປະຕິບັດສຳເລັດບັນດາໜ້າທີ່ທີ່ໄດ້ຮັບມອບໝາຍ, ປະກອບສ່ວນຢ່າງແທດຈິງເຂົ້າໃນວິວັດການສ້າງສາ ແລະ ພັດທະນາປະເທດຊາດ.