ເຂດຝັງຕາເວັນຕົກແມ່ນ້ຳຈໍແດນ
ພາບ:internet
|
(vovworld)- ວັນທີ 10/6, ສປຊ ໄດ້ປະກາດບົດລາຍງານຂອງຜູ້ລາຍງານຕົ້ນຕໍຂອງສປຊ ກ່ຽວກັບສິດທິມະນຸດຢູ່ບັນດາເຂດດິນແດນຂອງ ປາແລດສະຕີນທີ່ຖືກ ອິດສະຣາແອນຢືດຄອງຢ່າງຜິດກົດໝາຍ ທີ່ໄດ້ໃຫ້ຂໍ້ສັງເກດວ່າ: ໃນຊຸມປີຜ່ານມາ, ອຳນາດການປົກຄອງຂອງຝ່າຍຢືດຄອງພວມປະຕິບັດບັນດານະໂຍບາຍຈຳກັດສິດທິມະນຸດ, ໃນນັ້ນ ມີບັນດາສິດພື້ນຖານທີ່ສຸດຂອງຊາວປາແລດສະຕີນ. ໃນໄລຍະ 46 ປີຜ່ານມາ ນັບແຕ່ເມື່ອ ອິດສະຣາແອນ ຢືດຄອງດິນແດນຂອງຊາວ ປາແລດສະຕີນ, ບັນດາເຈົ້າຂອງທີ່ດິນຢູ່ເຂດນີ້ບໍ່ໄດ້ຮັບການປົກປ້ອງດ້ານກົດໝາຍ, ບັນດາສິດພື້ນຖານຂອງເຂົາເຈົ້າກໍ່ບໍ່ໄດ້ຮັບຄວາມເຄົາລົບ ແລະ ຕ້ອງປະເຊີນຫນ້າທຸກສິ່ງທ້າທາຍ, ຄວາມຫຍຸ້ງຍາກໃນຊີວິດການເປັນຢູ່ເປັນປະຈຳ. ບົດລາຍງານຮຽກຮ້ອງໃຫ້ປະຊາຄົມໂລກ ສ້າງຕັ້ງຄະນະກຳມະການໂດຍໄວເພື່ອສືບສວນບັນດາຄຸກຂອງ ອິດສະຣາແອນ ແລະ ອອກສຽງຄັດຄ້ານບັນດາການກະທຳປາບປາມໄຮ້ມະນຸດສະທຳຂອງ ອິດສະຣາແອນ ຕ້ານ ປາແລດສະຕີນ ແລະ ມີບັນດາມາດຕະການຕໍ່ສູ້, ຊ່ວຍເຫລືອຢ່າງແທດຈິງເພື່ອໃຫ້ປະຊາຊົນ ປາແລດສະຕີນປະຕິບັດສິດທິມະນຸດພື້ນຖານທັງໝົດຂອງຕົນໄດ້.