ພາບປະກອບ:internet
|
(vovworld) - ວັນທີ 16/3, ກອງປະຊຸມຄັ້ງທີ 57 ຂອງຄະນະກຳມະການແມ່ຍິງຂຶ້ນກັບ ສປຊ ໄດ້ຮັບຮອງເອົາເອກະສານສະບັບສຸດທ້າຍກ່ຽວກັບການສົມທົບເຄື່ອນໄຫວໃນທົ່ວໂລກເພື່ອສະກັດກັ້ນ, ກ່າວໄປເຖິງລົບລ້າງການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງດ້ວຍທຸກຮູບການ. ທ່ານ Ban Ki Moon ເລຂາທິການໃຫຍ່ ສປຊ ໄດ້ຮຽກຮ້ອງໃຫ້ລັດຖະບານປະເທດສະມາຊິກ ສປຊ ທັງໝົດ ພ້ອມກັນເຄື່ອນໄຫວ ແລະ ເຮັດຈົນສຸດຄວາມສາມາດຂອງຕົນເພື່ອຫັນເນື້ອໃນຂອງເອກະສານມີລັກສະນະປະຫວັດສາດນີ້ ເປັນບັນດາການເຄື່ອນໄຫວລະອຽດໃນຄວາມພະຍາຍາມລວມຂອງປະຊາຄົມໂລກ ເພື່ອປົກປ້ອງແມ່ຍິງ ແລະ ເດັກຍິງ. ເອກະສານດັ່ງກ່າວໄດ້ຮັບຮອງເອົາ ຈະເປີດກາລະໂອກາດໃຫມ່ເພື່ອປົວແປງຊີວິດທາງດ້ານຈິດໃຈ ແລະ ວັດຖຸໃຫ້ແກ່ແມ່ຍິງ ແລະ ເດັກຍິງໃນທ່ົວໂລກ.