ສະຖານທູດລັດເຊຍຢູ່ນະຄອນຫຼວງພຽງຢາງ
(ພາບ: rusembdprk.ru)
(vovworld) – ວັນທີ 5/4, ສປປ ເກົາຫຼີ ໄດ້ຮຽກຮ້ອງໃຫ້ສະຖານທູດປະເທດຕ່າງໆປະຈຳ ສປປ ເກົາຫຼີ ຢູ່ພຽງຢາງ ຍົກຍ້າຍພາລະກອນການທູດອອກຈາກພຽງຢາງ ໃນກໍລະນີຄວາມເຄັ່ງຕຶງສືບຕໍ່ເພີ່ມຂຶ້ນຢູ່ແຫຼມເກົາຫຼີ. ກ່ຽວກັບບັນຫານີ້, ທ່ານລັດຖະມົນຕີການຕ່າງປະເທດລັດເຊຍ Sergei Lavrov ໃຫ້ຮູ້ວ່າ, ມົດສະກູຈະເຮັດແຈ້ງສະພາບການກ່ອນທີ່ຕົກລົງຍົກຍ້າຍພະນັກງານການທູດຂອງຕົນອອກຈາກພຽງຢາງ.
ກະຊວງການຕ່າງປະເທດອັງກິດ ກໍ່ຮຽກຮ້ອງໃຫ້ ສປປ ເກົາຫຼີ ຕ້ອງຮັບຜິດຊອບໜ້າທີ່ຮັບປະກັນຄວາມປອດໄພໃຫ້ແກ່ພະນັກງານການທູດປະເທດຕ່າງໆຢູ່ປະເທດນີ້. ການນຳກູບາ Fidel Castro ຮຽກຮ້ອງໃຫ້ຝ່າຍຕ່າງໆ, ພິເສດແມ່ນອາເມລິກາ ແລະ ສປປ ເກົາຫຼີ ບໍ່ຄວນປະເຊີນໜ້າ ແລະ ປະຕິບັດພັນທະຮັບປະກັນສັນຕິພາບ. ປະຕິກິລິຍາຕໍ່ການກະທຳຂອງພຽງຢາງ, ວັນທີ 5/4, ກຳລັງກອງທັບເຮືອ ສເກົາຫຼີ ໄດ້ຜັນຂະຫຍາຍກຳປັ່ນຂັບໄລ່ 2 ລຳເຖິງຝັ່ງທະເລພາກຕາເວັນຕົກຂອງແຫຼມເກົາຫຼີ, ກໍ່ຄືຜັນຂະຫຍາຍລະບົບຮາດາຕ້ານລູກສອນໄຟໜ້າດິນຕ້ານເທິງອາກາດ ແລະ ເຮືອບິນສອດແນມກ່າວເຕືອນໄວ ເພື່ອຮັບມືໃນກໍລະນີ ສປປ ເກົາຫຼີ ຍິງລູກສອນໄຟ.