ສປປເກົາຫຼີ ປະກາດ ສະພາວະສົງຄາມກັບ ສ.ເກົາຫຼີ
(ພາບປະກອບ)
(vovworld) - ວັນທີ 30/03, ສປປ ເກົາຫຼີ ໄດ້ຖະແຫຼງວ່າ ປະເທດນີ້ໄດ້ກ້າວເຂົ້າສູ່ “ສະພາວະສົງຄາມ” ກັບ ສ.ເກົາຫຼີ ແລະ ຈະແກ້ໄຂບັນດາບັນຫາລະຫວ່າງ ສປປ.ເກົາຫຼີ ແລະ ສ.ເກົາຫຼີ ຕາມເງື່ອນໄຂສະໄໝສົງຄາມ. ສຳນັກຂ່າວສານສູນກາງສປປ.ເກົາຫຼີ (KCNA) ໄດ້ຄັດຄຳເວົ້າລວມຂອງບັນດາອົງການນຳນັກງານ ແລະ ລະບອບລັດຖະບານໂດຍຊີ້ແຈ້ງວ່າ “ໃນຈຸດເວລານີ້, ການພົວພັນລະຫວ່າງສປປ.ເກົາຫຼີ ແລະ ສ.ເກົາຫຼີ ໄດ້ກ້າວເຂົ້າສູ່ສະພາວະສົງຄາມ ແລະ ທຸກໆບັນຫາລະຫວ່າງ 2 ພາກເກົາຫຼີ ຈະໄດ້ຮັບການແກ້ໄຂຕາມຮູບແບບສະໄໝສົງຄາມ. ສະພາບບໍ່ມີສັນຕິພາບ, ແຕ່ບໍ່ເກີດສົງຄາມໄດ້ແກ່ຍາວໃນແຫຼມເກົາຫຼີ ສຸດທ້າຍກໍ່ຢຸດຕິລົງ”. ຖະແຫຼງການດັ່ງກ່າວກໍໄດ້ເຕື່ອນວ່າທຸກໆການກະທຳທີ່ເກາະຜິດຢູ່ມໍ່ກັບເຂດແຊຍແດນທາງບົກ ແລະ ທາງທະເລລະຫວ່າງ 2 ພາກ ລ້ວນແຕ່ພາໄປເຖິງ “ການປະທະກັນຮອບດ້ານ ແລະ ສົງຄາມນິວເຄຼຍ”.
ກອນໜ້ານັ້ນ, ວັນທີ 29/03, ທ່ານລັດຖະມົນຕີການຕ່າງປະເທດລັດເຊຍ Sergey Lavor ໄດ້ສະແດງຄວາມວິຕົກກັງວົນວ່າ ບັນດາການກະທຳດ້ານການທະຫານ “ພຽງຝ່າຍດຽວ” ໃນແຫຼມເກົາຫຼີ ພວມເຮັດໃຫ້ເພີ່ມຄວາມເຄັ່ງຕຶງເຖິງລະດັບບໍ່ສາມາດຄວບຄຸມໄດ້ ແລະ ຈະພາໄປເຖິງເພີ່ມທະວີການເຄື່ອນໄຫວດ້ານການທະຫານ. ຄຳກ່າວເຕື່ອນດັ່ງກ່າວຖືກຍົກອອກມາໃນວັນດຽວກັນພາຍຫຼັງການນຳ ສປປ.ເກົາຫຼີ Kim Jong Un ໄດ້ອອກຄຳສັ່ງໃຫ້ບັນດາກົມກອງລູກສອນໄຟຍຸດທະສາດຂອງປະເທດນີ້ກຽມພ້ອມບຸກໂຈມຕີ ແນໃສ່ບັນດາຖານທີ່ໝັ້ນການທະຫານຂອງອາເມລິກາ ຢູ່ສ.ເກົາຫຼີ ແລະ ມະຫາສະມຸດປາຊີຝີກ.