ສະພາຄວາມໝັ້ນຄົງສະຫະປະຊາຊາດຮັບຮອງເອົາມະຕິກ່ຽວກັບຂໍ້ຕົກລົງສັນຕິພາບຢູ່ຢູແກຼນ
ວາລະປະຊຸມຂອງສປຊ
(ພາບ: AFP)
|
(vovworld) – ວັນທີ 17/2, ສະພາຄວາມໝັ້ນຄົງ ສປຊ ໄດ້ຮັບຮອງເອົາຮ່າງມະຕິໂດຍຝ່າຍ ລັດເຊຍ ຮຽບຮຽງ ທີ່ກ່ຽວຂ້ອງເຖິງຂໍ້ຕົກລົງສັນຕິພາບສຳລັບ ຢູແກຼນ, ພ້ອມທັງຮຽກຮ້ອງທຸກໆຝ່າຍປະຕິບັດຂໍ້ຕົກລົງນີ້ໃນສະພາບຄຳສັ່ງຢຸດຍິງພວມຖືກລະເມີດ. ມະຕິຂອງສະພາຄວາມໝັ້ນຄົງ ສປຊ ຢັ້ງຢືນຄືນໃໝ່ກ່ຽວກັບ: “ຄວາມເຄົາລົບເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຢ່າງສົມບູນ ຂອງ ຢູແກຼນ”, ພ້ອມທັງສະແດງຄວາມ “ວິຕົກວັງວົນຢ່າງເລິກເຊິ່ງກ່ຽວກັບບັນດາກໍ່ລະນີຮັບບາດເຈັບ ແລະ ສະພາບການໃຊ້ຄວາມຮຸນແຮງຢູ່ພາກຕາເວັນອອກ ຢູແກຼນ”. ມະຕິດັ່ງກ່າວໄດ້ຮັບຮອງເອົາພາຍຫຼັງ ສະພາຄວາມໝັ້ນຄົງ ສປຊ ອອກຖະແຫຼງຂ່າວກ່ຽວກັບຢູແກຼນ ເປັນເວລາສັ້ນໆ, ໃນນັ້ນຮຽກຮ້ອງໃຫ້ທຸກໆຝ່າຍຢຸດຕິການປະທະກັນ.
ແລະກໍ່ໃນວັນດຽວກັນ, ທ່ານປະທານາທິບໍດີ ລັດເຊຍ Vladimir Putin ໄດ້ກະຕຸກຊຸກຍູ້ ກີແອບ ອະນຸຍາດໃຫ້ ທະຫານ ຢູແກຼນ, ທີ່ພວມຖືກກຳລັງທວງເອົາເອກະລາດຢູ່ ພາກຕາເວັນອອກ ຢູແກຼນ ປິດລ້ອມຢູ່ເທດສະບານເມືອງ Debaltsevo ປະລະອາວຸດ.