(vovworld)- ທ່ານ ນາຍົກລັດຖະມົນຕີຫວຽດນາມ ຫາກໍ່ຕົກລົງສ້າງຕັ້ງ, ຈັດຕັ້ງ ແລະ ເຄື່ອນໄຫວ ຂອງຄະນະກຳມາທິການຫວຽດນາມ ໃນບັນດາຄະນະກຳມະການລະຫວ່າງລັດຖະບານ ກັບຕ່າງປະເທດ. ຕາມນັ້ນແລ້ວ, ຄະນະກຳມະການລະຫວ່າງລັດຖະບານ ໄດ້ຮັບການສ້າງຕັ້ງບົນພື້ນຖານສົນທິສັນຍາສາກົນ ໃນນາມລັດຖະບານ ແລະ ສາມາດມີຊື່ເອີ້ນເປັນຄະນະກຳມະການລະຫວ່າງລັດຖະບານ, ຄະນະກຳມະການປະສົມ, ຄະນະກຳມະການຮ່ວມມືສອງຝ່າຍ, ຄະນະກຳມະການຊີ້ນຳການຮ່ວມມື, ຄະນະກຳມະການປະຕິບັດງານ, ຄະນະກຳມະການຄູ່ຮ່ວມມື, ເວທີປາໄສຄູ່ຮ່ວມມື, ສະພາ ຫຼື ບັນດາຊື່ເອີ້ນອື່ນ ສອດຄ່ອງກັບສົນທິສັນຍາສາກົນ ເຊິ່ງຫວຽດນາມເປັນສະມາຊິກ. ຄະນະກຳມາທິການ ມີໜ້າທີ່ຊ່ວຍນາຍົກລັດຖະມົນຕີ ປະສານການພົວພັນຮ່ວມມືໃນທຸກຂົງເຂດ ກັບຕ່າງປະເທດ ໃນຂອບເຂດຄະນະກຳມະການລະຫວ່າງລັດຖະບານ; ຊຸກຍູ້ການພັດທະນາ ແລະ ເພີ່ມທະວີພົວພັນຮ່ວມມື, ຜັນຂະຫຍາຍການປະຕິບັດບັນດາສົນທິສັນຍາສາກົນ ແລະ ສັນຍາສາກົນ ທີ່ໄດ້ເຊັນກັບຕ່າງປະເທດ, ຮັບປະກັນ ໃຫ້ບັນດາຄະນະກຳມະການລະຫວ່າງລັດຖະບານ ເຄື່ອນໄຫວຢ່າງມີປະສິດທິຜົນ.